السبت، ١٣ فبراير ٢٠١٠

محطم قلوب القذارى

بسم الله الرحمن الرحيم
.
كنت أمشي بسيارتي الطوارق ..
في شارع الخليج ..
.
وإذا بفتاة تقف بجانبي في الاشارة ..
إلتفت إليها .. فاندهشت لجمالها
.
حاولت التحرش بها ..
حاولت مضايقتها لألفت إنتباهها ..
.
أخيرا ..
إبتسمت .. في إشارة منها على قبولي
.
أنزلت النافذة ..
أعطيتها رقمي .. ومضيت في سبيلي
.
ثوان قليلة ..
إذا بها تتصل بي لتخبرني أنها هي من كانت تقود الكورولا ..
.
إتفقنا على موعد في آخر الليل ..
نتحدث به طوال ساعات .. كما نشاء
.
حمدت الله ..
ونزلت من سيارتي لأسجد شكرا له ..
.
قلت أثناء سجدة الشكر ..
"أحمدك يا رب أن جلعتني محطما لقلوب العذارى"
.
عشنا قصة حب طويلة ..
تجاوزت الأسبوع ..
.
إكتشفت أنها هي الفتاة التي أحلم بها ..
وليست "روان ام كشة" أو "سارة الخبلة"
.
لان روان ام كشة كانت معجبة بسيارتي فقط ..
وسارة الخبلة كانت معجبة بجسمي المنسق وعضلاتي المفتولة ..
.
أما هذه ..
فـ هي زوجتي مستقبلا ..
.
لأنها معجبة بهاتفي الـ iphone ..
وأيضا يعجبها أني أشتري لها الكثير من الهدايا ..
.
اليوم هو 12 من فبراير ..
وبعد غد هو عيدنا .. عيد العشاق
.
ماذا سأشتري لها؟
.
هل أشتري لها وردا أحمرا؟
أم أشتري لها Cover باللون الأحمر؟
.
لا لا ..
.
بل سأشتري لها فستانا جديدا ..
وأعطيها إياه اليوم ..
.
وبعد غد ..
تلبسه وتتزين لي ..
.
فهذا من حقي ..
الحق الذي كفله لي القسيس فالنتاين ..
.
وأيضا سأطالبها بقبلة ..
لكي تثبت لي أنها تحبني ولا تخونني ..
.
=====
.
ثم ..
.
الآن التاريخ هو 14 من فبراير ..
أي أنه عيد الحب ..
.
جيد أنني لم أنسى تظليل نوافذ السيارة ..
.
لان "جمانة العوبة" ستركب معي اليوم ..
وأنا حريص على سمعتها ..
.
ها هي ركبت السيارة ..
مرتدية الفستان الذي أهديته لها ..
.
ذهبنا للبحر ..
حيث كان لقاؤنا الأول ..
.
حاولت تقبيلها ..
فوجدتها محترفة أكثر مني ..
.
سألتها بحياء ..
من أين تعلمت كل هذا !!
.
فأخبرتني أن "عبود بو راس" كان يقبلها يوميا ..
وأيضا "عزوز المكرش" قبلها اليوم صباحا ..
.
وقبل أن تخبرني عن قصتها مع "صلوح الحول" ..
قاطعتها وأنهيت الحوار المقزز ..
.
لأكتشف مدى إنخداعي بنفسي ..
.
طوال هذه السنين ..
كنت أحسب نفسي محطما لقلوب "العذارى" ..
فاكتشفت أنني محطم قلوب "القذارى" ..
.
أنزلتها من السيارة ..
ورجعت إلى البيت ..
.
فتحت خزانتي لأجد شريطا قديما ..
كنت قد إشتريته قبل 7 سنوات ..
.
هو "قصة حب" ..
للشيخ نبيل العوضي حفظه الله
.
سمعته ..
وعرفت الحب الحقيقي ..
وأيقنت أنني كنت لاهيا مغرورا بنفسي ..
.
رجعت إلى ربي ..
تذوقت حلاوة الايمان ..
.
فوجدتها ألذ من أحضان العشيقات ..
.
العاشق التائب :
سوسو ابو عيون فتانة
.
=====
.
العوبة : المرأة سليطة اللسان
الحول : أحول العين
القذارى : جمع قذرة
.
=====
. .
ملاحظات :
- لا تصدقوا شيئا من القصة ..
فهي من تأليفي : )
- لا أعترف بما يسمى عيد الحب
ولكن كتبت عنه للتحذير منه
.
سعد المحطب
الكتابة 12-2-2010
النشر 13-2-2010

هناك ٤٨ تعليقًا:

SHAHAD يقول...

صح فكرك : )
والله يهدي الجميع
ويثبتنا ويثبتهم على كل ما هو صالح : )

هذا الذي يسمى بعيد الحب بدعة ( وكل بدعة ضلالة وكل ضلالة في النار )
الله يقينا شر النار

سرد رائع للفكرة : )
تسلم

اقصوصه يقول...

حلوه القصه

استمتعت بقرائتها

:)

نمووول يقول...

بدينا بالغلط على الايفون :)
وشفيها الكورولا بعد ؟!

((في البداية كنت حاط ايدي على قلبي اقول صج سعد يسوي جذي)) تتوقع في احد راح يكبتلك هذا الكلام في التعليق ؟ انا اتوقع بيكتبون جذي

والا اعرف منو هذا سوسو ابو عيون فتانة؟

--------------------

كالعادة سرد ممتع واسلوب متميز في ايصال الفكرة وطرح القضية ..


تحياتي لك ..

شاي الضحى يقول...

لوووووول

ضحكتني

هذا يسمونه التقليد الأعمى

يعني ماكو حب الا بهاليوم؟!

واغلب الي يحتفلون فيه ما يعرفون قصة فالنتاين بس عيد الحب


الله يستر على الجميع

سمو الأميرهـ ..ツ يقول...

سوسو أبو عيون فتانه عااد .!!

لووول

...


الله يهدي شباب وبنات المسلمين ..

....


شكراً أخوي ع القصة ..:)
ضحكتني

غير معرف يقول...

كعاتدك تطل علينا بما جادت به مخيلتك وتتحفنا بروائع كتبتها انامل ذهبيه

فشكرا لك على هذا الاسلوب الرائع الذي شدنا لنكمل القصه الى نهايتها والاجل هو ذلك الرد القصصي الجميل الذي دائما ما ينفرد به سعد
والله يهدي الجميع لك ما هو خير وصالح ويثبتا ويثبتك على السراط المستقيم



وتقبل تحياتي

حمد

غير معرف يقول...

أوف @@@@ صدقك وقلت من ورانا يالشيطان.....ههههه حلوة منك

رورو الشخبوطه يقول...

السلام..

اول ماقريت المقدمه صرت جذي @@ وقلت بفلبي وي طلع قليل ادب :s

عقب استوعبت بعدين هالنوعيه من البنات التلفانه الحمدالله الذي عافنا حظها قايم وتسوي روحها بريئة مو صريحة تقولها ماضيها الاسود واغلبهم يتزوجون مبجر لناس كلاس وراقيه وخلوقه :\

عموما خوش قصه ماشاءالله..

مشكور..

Engineer A يقول...

هههه اسلوب جميل ساخر نوعاً ما ولكنه اصاب الهدف منه :)

وانا ايضاً أضم صوتي لصوتك ولا اعترف بعيد العشاق وابعد الله عنا كل "عوبه" وكل " حول " و"مكرش" و" ام كشه" اللهم آمين :)

دمت بخير

mazageya يقول...

لديك اسلوب مميز في طرح القضيه ..
استمتعت بالقراءه كانت هادفه ..

شكرا لك

ساره النومس يقول...

أحلا قصة سمعتها

سمعت شري6 العوضي وكان وايد حلو بصراحة


سارة الخبلة لوووووووول

غير معرف يقول...

خووش قصه :)
وصح لسااانك
والله يهديهم يارب
NoNi

ReLaaaX يقول...

صراااااحه انته تحححححفه :))


وييييي لايكون الحين الناس عبالها حاطه الكفر عشان الفلنتاين والله شاريته قبل والله والله والله :p


يالله ماعليه فطنتني عشان ابدله على الاقل هالايام :)




ماشالله عليك ياسعد ! أبدعت صراحه .. واوصلت المعلومة اللي بتوصلها بأسلوبك العجيييب :) قواك الله وكثر الله من امثالك :)

princess adadi يقول...

السلام عليكم ^^

جميل اسلوب طرحك

والله يبعد عنا هالاشكال وهالفتن

يعطيك العافية :)

غير معرف يقول...

ambeeeh in9damt 3baly 9ij enta tswe chthy HAHAHA, w lw sma7t la t'3al6 3la sara !!! sara mo 5bla LOOOOL bs 5osh qe9a ;p

غير معرف يقول...

السلام عليكم

اسلوب وطرح راقي :)

ابدعتم كعادتكم استاذي:)

متابعين دائما لابداعاتكم:)

البندري العتيبي

شعلة أمل يقول...

عقول فاضيه !
الله لا يبلانا
تسلم اخوي سعد .. مادري ليش حسيت من اول ما قريت العنوان ان الموضوع في ان

الله يهدي شبابنا وبناتنا

غير معرف يقول...

اضم صوتي لصوتك اخوي
بس احسن شي انه مصادف دوام المدارس يعني الناس متعسره مع اجواء المدارس الكئيبه فمو مااااال
وانا اشوف الاحتفاليه ابهاليوم هي تقليد اعمى للغرب اللي وصفهم الله بانهم كالانعام بل هم اضل سبيلا
والله يهدي هالشباب والشياب اللي ريلهم بالقبر او ما ادري متى يركدون استغفر الله
فاطمه الفوزان

S.M.G يقول...

ههههه
أسلوب حلو صراحة :)
شكرا لك على إضحاكي

غير معرف يقول...

سرد حلو وايد والفكرة وصلت باسلوب حلو
بس عفوا في بعض الالفاظ لو كنت شايلها جان وايد احسن
اتمنى تتقبل رايي بصدر رحب
وقولوا >>> الحمدلله اللذي عافانا مما ابتلاهم به وفضلنا على كثير من خلقه تفضيلا

aL-NooR . يقول...

حبيت الفكرة ..و التنفيذ
و ان دل فأنه يدل على ابداعكم
:)

الصراحة ضحكتني ...
لاني جدا استمتعت بالقصة
و الاكثر الأسامي p;

***********************

سعد المحطب يقول...

.. شهد ..

الله يسلمج ويخليج ..
مشكورة وما قصرتي ..

=====

.. أقصوصة ..

حلو ردج ..
شكرا لج : )

سعد المحطب يقول...

.. نمول ..

سوسو هذا واحد الله يستر عليه ..
عنده 60 شخصية ..

تسلم ..
مشكور يا بو آي فون : )

=====

.. شاي الضحى ..

عرب بعد شنو تترجين منهم ..

الله كريم : )

سعد المحطب يقول...

.. سمو الأميرة ..

ايي ..
شوفي عيونه وبتعرفين شلون فتانة !!

العفو ..
حياج الله : )

=====

.. حمد ..

ما ادري شنو أرد عليك ..

بس يزاك الله خير ..
مشكور صديقي وما قصرت : )

سعد المحطب يقول...

.. ابراهيم ..

: )
افا عليك ..

=====

.. رورو الشخبوطة ..

عليكم ..

قليل أدب مرة وحدة !!
الله يسامحج : )

العفوو ..

حياج الله ..

=====

.. Engineer A ..

آمييين : d

مشكورة أستاذة ما قصرتي : )

سعد المحطب يقول...

.. مزاجية ..

تسلمين ..
مشكورة وما قصرتي ..

حياج الله : )

=====

.. طموحة مملوحة ..

اكييد .. العوضي يفوق الوصف

اي سارة الخبلة ..
بس مو انتي يالطموحة : )

سعد المحطب يقول...

.. نوني ..

صح بدنج ..
آمييين ..

مشكورة ..
وحياج الله : )

=====

.. ReLaaaX ..

مصدقج من غير ما تحلفين ..
بدليه بس مو تاخذين وردي : d

مشكورة ..
ما قصرتي : )

سعد المحطب يقول...

.. princess adadi ..

وعليكم السلام ورحمة الله وبركاته : )

أهلاا وسهلاا ..
آميين ..

مشكورة ..
حياج الله : )

=====

.. سارة ..

حتى انتي بعد سارة : d
حطيت هالاسم وابتلشت !!

مشكورة ..
حياج الله

سعد المحطب يقول...

.. البندري العتيبي ..

وعليكم السلام ورحمة الله وبركاته ..

الله يعزج ..
مشكورة وما قصرتي : )
من طيبج ..

=====

.. شعلة أمل ..

وطلع كلامج صح ..
فيه إن !!

آمييين : )

مشكورة ..
وحياج الله ..

سعد المحطب يقول...

.. فاطمة الفوزان ..

هههه ..
شكلج شايفة شياب وايد من هالنوع : )

الله يهدينا ويهديهم ..

مشكورة أ. فاطمة : )

=====

.. S.M.G ..

العفوو ..
حياك الله ..

وشكرا لك : )

سعد المحطب يقول...

.. غير معرف ..

شكرا على النقد : )
إن شاء الله المرة الياية نتجنب هالألفاظ ..

ولا يهمك : )

حياك الله ..

=====

.. aL-NooR ..

الابداع بعض مما عندكم : )
مشكورة - مشكور

حياكم الله : )

امراةٌ حُبلى بالعشقِ ، يقول...

ههههههههههههه ..
أمبيه خفت أول شي
يعني أوكي مغازلجي
بس مو جي يعترفون أشكره @@ ..
السرد ممتع و الشخصيات فضيعة :p ..
-
دمتَ بودْ ..

ثلجيّة القلب والأقراط .، يقول...

و انا اقرا كنت اقول " لا هذا اخر مره أقراله بوست طاح من عيني "
أشوا انك كتبت " القصه من تأليفي و انقذت الموقف لوول :×

اسمتعت جداً بالقصه و شخصياتها p;

لنا عوده بالبوست القادم .. شكراً

صمت البوح يقول...

بصرااحه من قريت الموضوع وانا منصدمه..
اقول حد يفضح عمره فمدونته!!

اخر شي ظهرت قصه

^ ^ بس صدق قصه مشوقه

مانقول غير الله يهدي شباب هالامه وبنات المسلمين

تسلم ياخوي ع الطرح الغاوي

فاطمــه يقول...

استمعت كثيرا بقراءة القصه

=)

الله يهدي الجميع انشاله

تقبل مروري

قواك الله

نوره يقول...

مساء الخير؛
يعطيك العافيه عالقصه؛
ماشاء الله إسلوبك رائــع؛
/
تعجبت من هالعباره؛
(( قلت أثناء سجدة الشكر ..
"أحمدك يا رب أن جلعتني محطما لقلوب العذارى".....))
في ناس يوصــل فيهم الحال انهم يشكرون ربهم على المعاصي !!
شلون تجتمع المعصية مع الشكر والسجده مع البدعه !!
تفكير غريب؛
الله يهدي الجميع؛

قارئه فـ حسب,, يقول...

جزاك الله خير

قصة للعظة..~

^_^

الغدوف يقول...

صدقني وأنا أقرأ جاني رعب وخوف
ومصدومة كمان
قلت أكيد فيه خطأ

سرد جميل ومبدع
والفكرة كانت رائعة لإيصال الفكرة
وطرح القضية

يعطيك العافية
دمت بإبداع

جنون الصّمت يقول...

دمتَ ثابتاً على قيمك ..

مع احترامي حق اسمي ..

بس فعلاً سارة خبلة وساذجة .. !

لانها بحثت عن الحب بتلك الطريقة .. بل وقد جهلت معنى الحب : )

شكراً لك ..

سعد المحطب يقول...

.. راقصة على أوتار الغنج ..

عاد تخيلي واحد صج يتكلم جذي ..
مصيبة !!

شكرا : )
وحيااج الله ..

=====

.. ثلجية القلب والأقراط ..

زين الحمدلله ..
عيل لا تكون آخر مرة : )

حياج الله بكل وقت ..

سعد المحطب يقول...

.. صمت البوح ..

أفضح نفسي ..
وبنفسي !!

لا بعد ما ينيت : )

آميين ..
يزاج الله خير ..

=====

.. فيونة الشارخ ..

إستمتعت بـ ردج : )

شكرا لج ..
حيااج الله ..

سعد المحطب يقول...

.. نورة ..

مساء النور ..
أهلا وسهلا : )

عاد هذي صج تصير ..
تلقين أحد يقول :

"الحمدلله أنا كل البنات يخزوني"

او وحدة تقول ..

"من رضا ربي علي إني وين ما أمشي يرقموني الشباب" : d

=====

.. سارونة ..

أجمعين إن شاء الله ..

حياج الله : )

سعد المحطب يقول...

.. الغدوف ..

الله يعافيج ويخليج ..
الحمدلله وصلت الفكرة : )

مشكورة على المتابعة ..
ما قصرتي أستاذتنا ..

=====

.. جنون الصمت ..

الاحترام لج أولا ..
وبعدين لاسمج : )

أعترف إني تهورت يوم حطيت هالاسم ..
ليلحين يمكن انتي خامس سارة تعلق : d

** برحمتك لا بعملي ** يقول...

استمتعت وانا اقرى القصه المضحكه والهادفه في الوقت نفسه =)

يزاك الله خير اخوي اجتماعي ...

Ra-1 يقول...

موضوع ممتع :)

ابتسم ^_^ يقول...

السلام عليكم
ما شاء الله أسلوبك بالطرح حلو ويجذب للقراءة
حلو اختيارك للاسماء ضحكت عليها

جزاك الله خير ^_^

سعد المحطب يقول...

.. برحمتك لا بعملي ..

الله يديم عليج هالوناسة ..
وأشكرج على ردودج الممتعة : )

ما قصرتي ..

=====

.. روان ..

شكرا : )

=====

.. إبتسم ..

وعليكم السلام ورحمة الله وبركاته ..

أجمعين إن شاء الله ..
مشكورة وماقصرتي ..

وحياج الله : )

SCRIBBLE ..♥ يقول...

خخخخخخ اول شي فتحت عيوني اقول شفيه لا اكيد يمزح خخ

الله يهدي الجميع ويثبتنا على الحق ياارب

دمت بكل الخير : )

على خطى المدينة الفاضلة