الأربعاء، ٢٧ يناير ٢٠١٠

كأنني قبل أيام "بوست التخرج"

.بسم الله الرحمن الرحيم
.
نمت في منتصف الليل تماما ..
لأستيقط قبل المنبه بدقيقتين ..
.
كنت أنوي دراسة آخر إمتحان لي في الجامعة ..
الذي كان في الساعة الثامنة صباحا ..
.
لكنني آثرت تخيل اليوم الأخير ..
واللحظات الأخيرة ..
.
كيف سأشعر !!
كيف سأعبر عن فرحتي !!
.
ثم قررت تأجيل الخيال لساعات ..
كي ينقضي هذا اليوم كما أحب ..
.
فتحت "نوت" المادة ..
الذي وجدته عند "صلاح" في مركز التصوير ..
.
وكان إهداء من الزميلة "أنفال" ..
بعد أن "كسرت خاطرها" على ما يبدو ..
.
بغمضة عين ..
بقيت ساعة على وقت الامتحان ..
.
إمتطيت حصاني وتوجهت للكلية ..
ممسكا بسيفي البتار ..
.
بدأ الامتحان ..
وبدأت قصة النهاية ..
.
تسلمت ورقة الامتحان من الأستاذة "أمل" ..
كتبت إسمي ثم "تنحت" ..
.
فلم أدرس سطرا ..
ولم أقرأ حرفا ..
.
أجبت على الامتحان كاملا ..
وركضت باتجاه الاسطورة "د. إبراهيم الهدبان" ..
.
أعطيت الكاميرا لاحداهن كي تصورني ..
فهذا آخر اختبار لي في الجامعة ..
.
أول صورة لم تكن واضحة ..
لأني ضحكت كما لم أضحك قبلا ..
.
والزميلات لم يقصرن ..
فالضحكات لم تتوقف حتى خرجت من القاعة ..
.
وعدني الدكتور بأن يطلبني لتقديم "Presentation" ..
ليس الآن طبعا .. إنما في الفصول القادمة
.
خرجت من القاعة ..
فرميت الأوراق معلنا تخرجي من جامعة الكويت ..
.
ثم خجلت من نفسي وحملتها ثانية ..
لان "أنفال" كانت واقفة في الممر ..
.
=====
.
يا الله ..
كيف مضت هذه السنين كالبرق .. !!
.
كأنني قبل أيام ..
أقرأ إسمي مع المقبولين في جامعة الكويت – كلية الآداب
.
كأنني قبل أيام ..
أسحب أوراقي بسبب الحادث .. وأسجل في الفصل الثاني
.
كأنني قبل أيام ..
أسأل عن مواد كلية العلوم الاجتماعية لأدرس بها ..
.
كأنني قبل أيام ..
أبشر أم محمد "أمي" بأني صرت مقيدا في العلوم الاجتماعية
.
كأنني قبل أيام ..
أذهب للسكرتيرة عطيات لأسألها عن قبولي في التخصص ..
.
كأنني قبل أيام ..
أجتاز بعض المواد الصعبة في التخصص .. والتخصص المساند
.
كأنني قبل أيام ..
أذهب للأستاذ ناصر .. الذي أصبح دكتور ناصر
لأسجل إسمي في الميداني ..
.
وها أنا ذا ..
تخرجت من الجامعة بتقدير جيد جدا ..
.
فالحمدلله وحده ..
له الفضل والمنة ..
أحمده وأشكره ليلا نهارا ..
على ما أنعم علي به من فضله ..
.
ملاحظة :
بالايام الياية بحط بعض صور التخرج
.
سعد المحطب
27-1-2010

هناك ٤١ تعليقًا:

غير معرف يقول...

أولن مبروك التخرج
ثانين ناطرين لصور
واخيرن عقبال ما انشوف مدونة الوظيفه والزواج يارب :)

NoNi

princess adadi يقول...

مبروووك اخوي عالتخرج

والفال لنا :)

غير معرف يقول...

مبروووك ياسعد
والفال لنا ان شاالله
والله يوفقك بدنيتك
وتذكر هالجملة من خيتك : لقد خطوت الخطوة الاولى للحياة الجادة بارتكاز فلاتتعثر بالخطوات القادمة واخطوها كما خطوت الاولى
D:
فلك مني تحية صادقة... اختك الصغرى klkchya

SaMRa SoLiTeeN يقول...

كــأننا قبــل أيــام
نسمع شكواك وشــدة مللك من الدراسه و تمنياتك بالتخرج :)

مبــروك التخرج أخ سعد نتمنى لك كل خير ودوام الصحــه و العــافيه :)

شعلة أمل يقول...

شعور عجيب ابدعت بوصفه اخوي
قاعده اتخيل نفسي : ) عشت الجو
بس ما قلت لنا شلون كانت تجربة الميداني ؟
كانت ممتعه ؟؟؟
ولا الداوم في الجامعه والمحاضرات احلى
--
الله يوفقك اخوي ويسهل لك امورك ويحقق مرادك

الفال لنا انا وصديقتي اروج : )

ابتسم ^_^ يقول...

السلام عليكم
مدري يوم قريت البوست دمعت عيوني
والله التخرج شيء حلووو وعجيب ويصيح
الف مبروك وعقبال الدكتوراه
شد حيلك
وعقبالنا ^_^

ثامر المحطب يقول...

بالمبارك ياولد العم وعساالله يكتبلك الخير بدنياك وآخرتك ..

تأكد يا سعد انت و كل الاخوان اللي للحين على مقاعد الدراسه انها ايام حلوه والله لو يحصلي ارجع لها بس الحمدالله ..

الوعد قدام .. وشد حيلك يله بالوظيفة

غير معرف يقول...

الف مبروك توصيف رائع ليس كالعاده p:
وعئبال مانشوفك دكتور
اخوك شمخي (؛

( عاشق نوال )

جنون الصّمت يقول...

ألف مبروووك

: )

وُفقتَ خيراً ..

L!fe يقول...

الف مبرووك
تستاهل كل خير
اخي الكريم

الغدوف يقول...

ألف مبروك
فرحت لك والله

والله يوفقك دوم
وكل خطواتك نجاح

ما أدري ليش ودي أبكي
أويمكن فعلاً بكيت
كلماتك دفعتني على ذالك

شاي الضحى يقول...

مبرووووووووووووك

لوووول صلاح يحليله ذكرتني فيه

والله يوفقك بالوظيفه الي تتمناها

وولكم لعالم "البطاله" انظميت معاي من شهر 6 وانا انطر ههههههههههه

Unknown يقول...

ايه يا سعد
دايما لك زاوية مميزة في نقل الحدث حقيقة ً

وضحكتني سالفة قطيت الاوراق جان ترد تاخذهم

جميلة ايام الجامعة, بل هي الأجمل
يا ترى كيف ستكون يوم التخرج
انت الآن تعلم ..

نراك على درب النجاح دوما يا سعد
بالتوفيق

الياقوت يقول...
أزال المؤلف هذا التعليق.
الياقوت يقول...

أحلى شعور شعور التخرج ..
جرّبته قبل أيام ومازالت الفرحة تغمرني

فمُبارك ألف لكم ومنها للأعلى يا رب

:)

سمو الأميرهـ ..ツ يقول...

صار لي جم يوم أطل ع مدونتك و لما ما أجوف بوست يديد
اقول لين الحين ما تخرج ...

مدونتكـ كانت مهجووره ..

******
مبروووووك التخرج أخوي
أند ولكم بااك
:)

غير معرف يقول...

مبرووووك التخرج يا زميلنا

وعقبال الوظيفة والماستر

والحمدلله تعديت هالمرحلة بسلام بدون عاهات نفسية ولا غيره :p

وبشر شنو خذيت عند الدكتور حسين طاهر؟؟

انا عن نفسي خذيت A :)والحمدلله مع اني كنت خايفة من هالمادة وكنت ابيها قراءات..

اختك كادي

غير معرف يقول...

مبرووك التخرج الفال لناإنشاء الله وهاذي الدنيا بسرعه تمشي خاصة اللحظات الحلوة الاسبوع مثل اليوم واليوم مثل الساعه والساعه تمر مثل الدقيقه
على العموم الف مبرووك وعقبال ماتاخذ الماستر والدكتوراه
فاطمة الفوزان

نمووول يقول...

الف مبروووووووووك
عقبال ما نشوفك دكتور
اد الدنيا ..

الله يوفقك ..

Fishah يقول...

مبرووووووووك التخرج اخوي سعد .. عقبال نشوفك موظف بس مو عندنا ههههههه احنا صار دوامنا غوانتانامو خخخخخ

وسلم على (ام محمد) .. الله يخليها لكم يارب :))

ايام الكليه يحس الواحد بحلاوتها عقب التخرج :)

مبرووووك مره ثانيه .. والفال حق اللي ليلحين ماتخرجوا ;)

:: بـوح الصمـت :: يقول...

مبروك التخـرج ..
غريبة مرّت الأيّام .. سريعه كنها أحلام :)

وفقكم الله أينما حللتم وكنتم .. والفال لنا :)

Engineer A يقول...

مبروووووووووك على التخرج ..

وان شاءالله دوم من نجاح لآخر يارب .. والفال للوظيفة الزينة ولبنت الحلال يارب :)


بانتظار الصور وبوستات عن آخر الأخبار والمستجدات :)

SCRIBBLE ..♥ يقول...

الف الف الف الف الف الف مبـرووووووووك

تستاهل والله ..
منها للاعلى

والله فرحت لك الله يوفقك دنيا واخره

ReLaaaX يقول...

ذكرتني بالذي مضى :)))


واللللله أحلى أيام هالأيام .. تحس بإنجااااز وفرحة عجيبه أصلاً أكثر من فرحتي بالوظيفه :)


عسى الله يسعدك ياسعد :)

ونصيحة إذا معزم إنك تكمل لاتنطر وتقول بريح شوي لأن هالشوي بتصير شهر وعقب الشهر سنه وعقب السنه سنتين بالضبط مثل حال اللي قاعده تكتب النصيحة :))

عشان ماتخـق .. دامك بحماسك كمل واسأل وان شالله ربي ييسر لك

وإذا مكتفي بالشهادة الجامعية ، فرصتك الحين تشوف شنو أنسب مكان لك !


طبعاً كل واحد منا يبي مكان مريح .. بس الراحة تختلف من شخص لي شخص .. في ناس تشوف الراحه بالرباده وقلة الشغل !
فيه ناس تشوف ان الراحة تكون بالمكان اللي فيه ناس سنعين وماتحب المشاكل !
وفيه ناس تشوف ان الراحة بالإداره والعامل معاها ..الخ

ونصيحة لوجه الله لاتصير من الصنف الأول ! لأن قلة الشغل تسبب البلادة .. والله العظيم تحس حتى مخك يوقف !


جني طولت وايد .. بس يالله ناطرين الصور عشان نصدق ;p

ثلجيّة القلب والأقراط .، يقول...

مبروك مره ثانيه على التخرج ، و مثل ما قلت بالبوست الي طاف ، " ناطره بوست الوظيفه إنشالله ، و وراها بوست الزواج لوول ، و حلوه هالذكريات و بما اني طالبه بالثنويه فـ باقيلي طرييييج لين يصير عندي ذكريات جامعيه ، دعواتك بس p=

بالنسبه حق التاريخ 27 \1 مو 2 لوول p=

موفق ،

سعد المحطب يقول...

.. نوني ..

الله يبارك فيج ويخليج ..
إن شاء الله ..
بس دعواتج : )

=====

.. princess adadi ..

الله يبارك فيج ..
آميين ..

الله يوفقج : )

سعد المحطب يقول...

.. كلكجية ..

الله يبارك فيج ..
تسلمين من طيبج ..

مشكورة ..
إن شاء الله بتذكرها ..

وحيااج الله أختي الصغرى : )

=====

.. سمرة ..

الله يبارك فيج إن شاء الله ..
مشكورة ..
وما قصرتي : )

سعد المحطب يقول...

.. شعلة أمل ..

الميداني له متعة ..
والمحاضرات لها متعة ..

إن شاء الله بالأيام الياية راح أفصل فيها "عشانج" ..

تسلمين ..

وبالتوفيج لج ولـ أريج : )

=====

.. إبتسم ..

وعليكم السلام ورحمة الله وبركاته ..

الله يبارك فيج ويخليج ..
تسلمين ما قصرتي ..

حيااج الله : )
والفال لج ...

سعد المحطب يقول...

.. ثامر المحطب ..

هلا وغلا بولد العم ..

صدقت والله ..
أحلى أيام ..

بس إنتهت والحمدلله : )

شكرا لك ولد عمي ..

=====

.. عزيز ..

الله يبارك فيك ..
ويخليك ..

ويردك بالسلامة من لندن : )

سعد المحطب يقول...

.. جنون الصمت ..

أهلاا بالمهندسة الصغيرة : )

الله يبارك فيج ..
والفال لج ..

=====

.. l!fe ..

الله يبارك فيج ويخليج ..
تستاهلين الطيب ..

ماقصرتي : )

سعد المحطب يقول...

.. الغدوف ..

الله يبارك فيج ..
من طيبج : )

أشكرج طال عمرج ..
ماقصرتي ..

=====

.. شاي الضحى ..

الله يبارك فيج : )

هههههه
لا يامعودة إن شاء الله ما أنضم لج ..

فال الله ولا فالج : )

سعد المحطب يقول...

.. مويس ..

إيي يا صديقي ..

إن شاء الله ما تمر بنفس موقفي مع الأوراق D:

الفال لك ..
وبالتوفيج : )

=====

.. الياقوت ..

أحلى شعور ..
وأحزن شعور ..

بس الحمدلله : )

الله يبارك فيج ..
وحياج الله ..

سعد المحطب يقول...

.. سمو الأميرة ..

الله يبارك فيج ..

الحين الحمدلله تخرجت : )
وبطالي ..

الفال لج ..

=====

.. كادي ..

الله يبارك فيج ويخليج ..

خذيت عنده خوش درجة ..
الحمدلله : )

مبروك على الدرجة ..
وبالتوفيج ..

سعد المحطب يقول...

.. فاطمة الفوزان ..

الله يبارك فيج ..
والفال لج : )

إيي والله صدقتي ..
سنين الجامعة طافت بلمح البصر ..

شكرا لج ..

=====

.. نمول ..

الله يبارك فيك ..
والفال لك ..

ونصير دكاترة مع بعض : )

سعد المحطب يقول...

.. fishah ..

هههههه

الله يبارك فيج ..
وإن شاء الله أحصل الوظيفة اللي أبيها ..

يوصل إن شاء الله : )
ما قصرتي ..

=====

.. بوح الصمت ..

الله يبارك فيج ويخليج ..
يزاج الله خير : )

الفال لج ..
و الله يوفقج دنيا وآخرة ..

سعد المحطب يقول...

.. Engineer A ..

يزاج الله خير على الدعاء ..
وكثري من دعاء بنت الحلال D:

إن شاء الله الصور والذكريات بالأيام الياية : )

=====

.. scribble ..

الله يبارك فيج ..
تستاهلين الطيب ..
يزاج الله خير ..

ما قصرتي : )

سعد المحطب يقول...

.. ReLaaaX ..

بكمل إن شاء الله ..
بس بعد ما أتوظف وألقى بنت الحلال : )

بس دعواتج ألقاها بسرعة ..

والصور بالأيام الياية إن شاء الله ..

مشكورة وماقصرتي ..
وحياج الله : )

=====

.. ثلجية القلب والأقراط ..

الله يوفقج إن شاء الله دنيا وآخرة ..
ونقرا بوست التخرج عندج : )

بس شدي حيلج ..

والدرب الطويل بيخلص من غير ما تحسين ..


إن شاء الله الحين أعدل ..
مشكورة على التدقيق D:

بالتوفيج : )

اقصوصه يقول...

الف مبروك التخرج

فعلا الايام تمر سريعه كالبرق

والعمر كله يمر كغمضة البصر :)

نبضُ الأدب يقول...

مبروك التخرج .. و عقبال الوظيفة السنعة

ستفتقدون تلك الأيام .. أكيد

لكن .. لكل حدث وقته و زمانه

بالتوفيق ..

غير معرف يقول...

أتمنى لكم كل التوفيق والسداد..

حديثكم غني بمشاعر جياشة خليط بين فرح وأمل واستبشار وحزن ..
اخترقت الشاشة لتصل لقرائكم .. ففرحوا لفرحكم !

ها قد انتهت رحلة البكلريوس
هيا .. شد أمتعة وزاد الماستر .. واعقلها

وتذكر دائما أن لك قراء محبين .. كنتم ولازلتم .. الأخ والأستاذ .. يدعون لكم في ظهركم
ليوفقكم الله ويسدد خطوكم أينما حللتم
ويحقق لكم أمانيكم وينولكم مساعيكم دائما

سعد المحطب يقول...

.. أقصوصة ..

الله يبارك فيج ويخليج ..
ما قصرتي ..

=====

.. نبض الأدب ..

الله يبارك فيج ..
والفال لج إن شاء الله : )

حيااج الله ..

=====

.. غير معرف ..

الله يخليك ..
تسلم ياخوي ما قصرت : )

الله يحفظك ..

حياك الله : )

على خطى المدينة الفاضلة