الخميس، 14 يناير 2010

سنة ثانية تدوين + تخرج

بسم الله الرحمن الرحيم
.
مضى عام ..
بحلوه ومره ..
.
بروعته ..
وبروعته .. ايضا
.
فكل الأيام جميلة ..
ما عدا أيام "الفاينلات" في الجامعة ..
.
لا سيما إذا كنا في الفصل الأخير ..
حيث نعد الأيام والدقائق ..
.
قبل أن أنسى ..
اليوم أطفئت هذه المدونة شمعتها الأولى ..
.
فها هي قبلة لها على الرأس ..
اممممووووااااه يالغالية : )
.
أصبح الزيارات تتناقص كثيرا ..
لم أكن أعلم السبب ..
.
لكنني عرفته الآن ..
وهو تقصيري في زيارة المدونات الزميلة ..
.
فكما تعلمون .. أو لا تعلمون
التخرج يطرق الباب يستأذن للدخول ..
.
ولن آذن له قبل تاريخ 26-1-2010
تحديدا .. في الساعة العاشرة صباحا
.
سأكلف أحدهم ..
أو بمعنى أدق .. إحداهن
بتصويري لحظة تسليم ورقة الامتحان ..
.
قلت إحداهن ..
لأني أمثل القلة المستضعفة ..
فأنا الشاب الوحيد ..
.
وسأكلفها بالتصوير ..
لأنها ستكون آخر ورقة أسلمها في هذه المرحلة الجميلة ..
إن شاء الله ..
.
"مادة نظم سياسات مقارنة"
مع أعظم دكتور في تاريخ البشرية
د. ابراهيم الهدبان
.
لذا ..
.
أعذروني على التقصير في هذه الأيام ..
وسترون المدونة بثوبها الجديد بعد التخرج مباشرة ..
إن شاء الله ..
.
ملاحظة :
.
ضعوا ردودكم ولا تأجلوها ..
لأنكم ستدخلون التاريخ بها ..
.
"تاريخي الشخصي طبعا"
.
فهذا قد يكون آخر ما أكتبه في حياتي ..
وسيكون كذلك إن شاء الله ..
.
أعني ..
حياتي الجامعية : )
.
نراكم في بداية حياة الماستر ..
بعد رحلتي الممتعة في البكالوريوس ..
.
سعد المحطب
14-1-2010

هناك 49 تعليقًا:

SCRIBBLE ..♥ يقول...

كل عام ومدونتك في تقدم ورقي ..

ياااالله لحظة عجييبه يااارب يوفقك وييسر لك امتحاناتك يااارب

وبشرنا بالتخرج

^_^

ReLaaaX يقول...

عسى الله يوفقك ياسعد .. ومبروووووووووووووك مقدماً :))


حلو شعور التخرج .. والاحلى وقت اللي تمشي بأوراق اخلاء الطرف وتسلم كل شي .. وتفتك تحس صج بحرية :)

Fishah يقول...

كل عام انت ومدونتك بخير يا رب :))

ومبرووووووك مقدما التخرج .. نبي نشوف صورة الشهاده بنستانس :>

وموفق يا رب فــــي كل خطوة :)))

أحمد الحيدر يقول...

كل عام وانت بخير وموفق يا رب :)

سمو الأميرهـ ..ツ يقول...

مبرووووووووووك التخرج ...

عقبالي << جدامي درب طووووووويل



وربي يوفجكـ وتنال التميز في حيـاتكـ


وكل عاام و مدونتكـ في رقي داائم ...

....

:)

تحيااتي

princess adadi يقول...

مرحبا ^^

كل عام ومدونتك بخير
عمر مدونتك تقريبا نفس عمر مدونتي
توقعتها اقدم .. ماشالله عليك مبين انك خبرة اكثر من سنة

انا بعد لاحظت هالقلة في مدونتي واتوقع نفس سببك
الكل طاخ عن التدوين هالفترة
او عالاقل انا والناس اللي اعرفهم

مبروك التخرج مقدما
" الحين راح تفتك من الكلية اللي مو عاجبتك "

بانتظار صورة تسليم اخر ورقة امتحان
شعور حلو .. ذكرتني بايام التخرج من الثنوي

تحية لدكتورك العجيب
انته معاه تشكلون ثنائي مو صج

موفق اخوي
بانتظار كتاباتك في مرحلتك الحياتية الجديدة :)

غير معرف يقول...

الله يوفقك أخ سعد .....
و الفال لنا إن شاء الله نحس بحساسك ^^

غير معرف يقول...

كل سنة ومدونتك ابخير والعمر كله p:
وعسى ربي ايوفقك ويسهل اموورك وعئبال ما انشوفك دكتور وأحسن من الهدبان بعد :)

NoNi

شاي الضحى يقول...

كل عام وانت ومدونتك بالف خير

والف مبروك مقدما :)

نظم سياسات مقارنه من الموادالي ما انساهه خصوصا عند الهدبان تهبببببببل الماده وحلوه وسهله

وربي يوفقك :)

الحارث بن همّام يقول...

ضعوا ردودكم ولا تأجلوها ..
لأنكم ستدخلون التاريخ بها ..
.
"تاريخي الشخصي طبعا"
.
فهذا قد يكون آخر ما أكتبه في حياتي ..
وسيكون كذلك إن شاء الله ..



مودع الجامعة ولا مودع الدنيا اسم الله عليك؟

إن شالله بعد عمر طويل وعمل صالح.. واعقبال نحتفل بشمعتك الثانية للمدونة

مبروك التخرج مقدماً.. بتفقدك الكلية

سالم العتيبي يقول...

تدوينة محزنة مبكية ...

راح تفتقدك هالأماكن ..

برا صوب مكتبة صلاح !
صوب مدخل \ مخرج اسنسير الأقسام !
السيركل !
الكافتيريا !
ممرات الكلية !
كراسي بوبيان اللي مو مكسورة !
النافورة !

مممممم الأماكن بتفتقدك ولا انا !
لا أستطيع الجزم بأنها الأماكن ،
لكن من المؤكد أنا !

ما أقول إلا ....
عسى الله يفتحها عليك وين ما رحت يالأمير ،

بجد مشتاقلك من هاللحظة يا سعدي.

تحيّتي لك يا "الكوكب سعد".

محزن فراقك ..
ومفرح دخولي التاريخ معاك يالسعدي.

اخوك ( سالم أبو سلمى )

الغـــــدوف يقول...

كل يوم وأنت وقلمك في رقي وطرح أخيل
ومزيداً من التميزات في عالم التدوين

ومبروك مقدماً التخرج

بالتوفيق دائماً

رورو الشخبوطه يقول...

كل عام وات بخير ..

وموفق يارب..

:: بـوح الصمـت :: يقول...

بوركتم ووفقتم .. شعور التخرّج جميل .. الله يرزقنا بعد عمرٍ طويل :)

حصاد الجد يحلى بالنهاية ولو كانت بداياته مريرة :) .. شعـور عجييييـب :" !

وموفقين بالماستـر وفالكم أعلى المعدلات بإذن الله =)

وكل عام ومدونتكم أرقى وأنفع وأروع :)

غير معرف يقول...

mabrok 3ala el ta5aroj ow rabi ya7fithik ow eywafgik ya rab :) atmana lek kel 5air ya s3d

Omaise يقول...

بسم الله

ابدعت يا سعد

في توصيل احساسك اكثر من كتابة كلمات قد لا تكفي لوصف ما تمر به

نسأل لك التوفيق دوما

جميل
جميل جدا

ثلجيّة القلب والأقراط .، يقول...

مرحبا ،
هذاأول تعليق لي على مدونتك المتميزه و الحلو ان يصادف هالمناسبه p=
مبروك التخرج و إنشالله نشوف بوست فيه خبر وظيفتك ..
و العمر كله لهالمدونه يارب D=

اجتماعي يقول...

.. sicribble ..

تسلمين ..
مشكورة ..

إن شاء الله ..
كلها أيام : )

=====

.. ReLaaaX ..

الله يبارك فيج ويخليج : )

إهو شعور حلو .. صح

بس الله لا يبارج فيهم ..
يذلون الواحد قبل ما يخلص أوراق إخلاء الطرف ..

الحين خلصنا الأوراق ..
وما بقى شي : )

اجتماعي يقول...

.. Fishah ..

وانتي بخير ..
الله يبارك فيج ويخليج ..

إن شاء الله أحطها ..
بس خل آخذها أول : )

مشكورة ..
وحياج الله : )

=====

.. أحمد الحيدر ..

وانت بخير ..
شكرا أستاذنا : )

=====

.. سمو الأميرة ..

الله يبارك فيج ويخليج ..
الفال لج إن شاء الله ..

شكرا لج ..
وحياج الله : )

اجتماعي يقول...

.. princess adadi ..

أهلا وسهلا ..
وانتي بخير وصحة وسلامة : )

ما عليه ..
فترة إمتحانات وتعدي ..

راح أفتك من الدراسة ..
بس بفقد الكلية : (

إن شاء الله بحط الصورة ..
بس بعد ما أتخرج ..

وشكرا على الشهادة : )
حيااج الله ..

=====

.. غير معرف ..

إن شاء الله بتحس فيه ..
عاجلا غير آجل : )

شكرا لك ..

اجتماعي يقول...

.. NoNi ..

وانتي بخير : )

إن شاء الله بتشوفيني دكتور ..
بس أحسن من الهدبان !! صعبة شوي

هذا الوحش : ) ما يتكرر

=====

.. شاي الضحى ..

وانتي ومدونتج بخير ..
والله يبارك فيج ويخليج ..

مشكورة ..

"ترا مليت .. كل ما أعلق عندج ينمسح الرد .. شوفي لج حل"

اجتماعي يقول...

.. الحارث بن همام ..

الجامعة الجامعة D:
بس إنت مجرب هالاحساس قبل كورس .. فلا تلومني : )

وياك إن شاء الله حجي طلال ..
مشكور ..

والله يبارك فيك ويخليك ..
وبيت مكة يوديك ..

ويخليك تصلي بالناس هناك مكان السديس .. بدال مسيد المشاري :d

=====

.. سالم العتيبي ..

آآآخ يا قلبي :/
لا تخليني أطقها بجي الحين ..

كلام محرج ..
لا أقوى عليه :$

نتفاهم بعدين : d

حيااك يا بو سلمى ..

اجتماعي يقول...

.. الغدوف ..

الله يبارك فيج ويخليج ..
مشكورة حجية على هالكلام الطيب : )

ما قصرتي ..

=====

.. رورو الشخبوطة ..

وانتي بخير ..
وياج إن شاء الله : )

مشكورة ..

اجتماعي يقول...

.. بوح الصمت ..

صح ..
شعور عجيب ولا يعلى عليه ..

الله يخليج ..
مشكورة وما قصرتي ..

حيااج الله : )

=====

.. غير معرف ..

الله يبارك فيك ويخليك ..
مشكور وما قصرت ..

وياك إن شاء الله : )

اجتماعي يقول...

.. موسى ..

بعض مما عندكم يا مويس : )

شكرا لك ..
وشي أكيد جميل : d

=====

.. ثلجية القلب والأقراط ..

أهلا وسهلا ..
شرفتي بتعليقج الأول : )

الله يبارك فيج ويخليج ..

إن شاء الله قريب بوست الوظيفة ..
بس دعواتج : )

شاي الضحى يقول...

هو ليش ينمسح ؟!


محد قالي انه يواجه مشكله بالتعليق الا انت


شنو يطلع لك بالضبط؟

واذا عندك الحل قولي

اجتماعي يقول...

أعتقد والله أعلم ..

إن الحل ..
خلي التعليقات تنقلنا لصفحة ثانية ..

مثل اللي أنا مسويه ..
عرفتي؟

كنت أعاني مع هالمشكلة بمدونة princess adadi ..
ويوم عدلت طريقة التعليقات .. صار كل شي تمام

جربي : )

غير معرف يقول...

الله يوفقك سعدي ويهنيك بالتخرج انشالله

أخوك\ابراهيم الشهاب


ونعتذر عن الغيبة الطويلة

Engineer A يقول...

كل عام ومدونتك بخير

وان شاءالله تكون سنة خير عليك وتفرح بالتخرج فيها اللهم آمين..

بالتوفيق

QiYaDiYa يقول...

كل عام و مدونتك بخير..

مافي احلى من شعور التخرج ..
اكثر شي فرحت فيه هو فرحة امي و ابوي بهذا اليوم ..

تم تصويري وانا باخر امتحان من غير لا ادري من قبل صديقاتي ..
كانت علامة عدم التصديق واضحة على محياي

الله يوفقك و يفتح عليك :)

L!fe يقول...

الله يوفقك اخي الكريم
ويسعدك

اجتماعي يقول...

.. ابراهيم الشهاب ..

الله يخليك ويعزك صديقي : )
مشكور وماقصرت ..

حيااك بكل وقت ..

=====

.. Engineer A ..

وانتي بخير أستاذتنا : )

مشكورة ويزاج الله خير ..
حيااج الله ..

اجتماعي يقول...

.. قيادية ..

سبحان الله ..

تذكرين يوم تكتبين بوست عن تخرجج؟
كان بشهر 6 ..

ووصفتي شعورج ..
وقلت لج إن شاء الله أعيشه بعد 6 شهور ..

والحين .. إكتشفت إن كلامج صح 100%

بخلي أحد يصورني ..
وبشوف شكلي شلون بيصير D:

مشكورة ..
وحيااج الله : )

=====

.. l!fe ..

الله يخليج ويعزج ..
يزاج الله خير ..

حيااج الله : )

اقصوصه يقول...

اول شي مبروك مرور عام

من عمر مدونتك الجميله

ومبروك التخرج مقدما

وعقبال ما نهنيك بالوظيفه :)

الياقوت يقول...

مُبارك لمدونتك أخي ،

وألف مبارك مقدمًا للتخرج

ومنها للأعلى يا رب

:)

** برحمتك لابعملي ** يقول...

اخوي اجتماعي
مبـروك التخـرج مقـدماً
وموفـق بالـداريـن ان شـاء الله :)

ابتسم ^_^ يقول...

السلام عليكم
كل عام والمدونة بخير
ما شاء الله كلها كم يوم وتتخرج
مبروك مقدما
لحضات التخرج ما تنعاد
الله يوفقك للخير
^_^

شعلة أمل يقول...

:) كل عام وانت ومدنتك بخير اخوي
الحين انت اللي بتتخرج انا خنقتني العبره
ما اتخيل شلون راح اودع الكليه

ما تحس باحساس متناقض ؟
فرحة التخرج - حزن توديعها

يلا هذي الحياة ودوام الحال من المحال
ان شاء الله ترجع لها وانت دكتور : )
موفق اخوي


كنت بانتظار بوست تكتب فيه عن تجربتك بالميداني

she is me يقول...
أزال المؤلف هذا التعليق.
she is me يقول...

مبروك التخرج
وعمر مديد ان شاء الله لـ(المدينة الفاضلة)

تتلاشى العبارات إلا (شكرا)

●• ۈحيدة بليآهُم•● يقول...

كل عاام انت ومدونتك بألف خير


الله يوفقــــــــك ..

يالله عااد بننطر البوست الياي ..مب باجي شي يعني عقب بااجر

Manal يقول...

بالتوفيق
والف مبروك التخرج مقدما

والله يكتب لك كل الخير

ونطفئ شمعة اول بيبي يحمل اسمك
:)

ما في احلى من الدراسة وما في اصعب من الدراسة

:)

فلسفتي بعد دخول الماستر
:)

Engineer A يقول...

مافي مواضيع يديده؟ من زمان ما كتبت شي؟ :)

غير معرف يقول...

مبرروك التخرج والله يوفقك وكل بدايه ولها نهايه
تاريخ مدونتك مثل تاريخ ميلاد صدفه
بس انه سامعه ان تقديم الماستر في علم نفس صعب لان عليهم ضغط؟؟
نظم سياسيه من المواااده الحلووه بس تفرق على حسب الدكتور
رشا

اجتماعي يقول...

.. أقصوصة ..

الله يبارك فيج ويعزج ويخليج ..

إن شاء الله تهنيني بالوظيفة بالقريب العاجل ..
بس دعواتج أتوظف بالمكان اللي ابيه : )

=====

.. الياقوت ..

الله يبارك فيج ويخليج ..
شكرا اختي : )

حيااج الله ..

اجتماعي يقول...

.. برحمتك لا بعملي ..

الله يبارك فيج ..
والفال لج : )

مشكورة ..

=====

.. إبتسم ..

وعليكم السلام ورحمة الله وبركاته ..

وانتي بألف خير إن شاء الله ..
باجي أقل من يوم .. الحمدلله

حيااج الله : )

اجتماعي يقول...

.. شعلة أمل ..

تصدقين هذا شعوري بالضبط ..
فرحة + حزن بنفس الوقت

بس عموما ..
هذي الدنيا : )

كانت أحلى 4 سنين ونص بحياتي ..

آميين الله يسمع منج ..

إن شاء الله باجر بيكون بوست أتكلم فيه عن التخرج وعن الميداني ..

حيااج الله : )

=====

.. she is me ..

الله يبارك فيج ويطول بعمرج : )

الشكر موصول لج أستاذتنا ..
حيااج الله ..

اجتماعي يقول...

.. وحيدة بلياهم ..

وانتي بألف خير : )
مشكورة ..

إن شاء الله باجر ..
حيااج الله ..

=====

.. منال ..

الله يبارك فيج ويخليج ..

أول خل أشوف أم البيبي .. بعدين أشوفه : )

الله يوفقج بالماستر ..
ويوفقني وألحقج فيه ..

شكرا لج أستاذتي : )

اجتماعي يقول...

.. Emgineera A ..

إن شاء الله .. وباذن الله
البوست الياي بيكون باجر ..

بعد التخرج ..

بس دعواتج تتسهل الأمور : )
شكرا على اهتمامج ..

=====

.. رشا ..

عيل كل عام وانتي بخير : )

تقديم الماستر بقسمنا .. وايد صعب ويتعب

بعدين أنا إكتفيت من "مذلة" بعض الدكاترة .. وبرفع نفسي عنهم

بدرس براا .. من غير أذية القسم

أما مادة النظم ..
خذيتها عند دكتور طلع عيوني .. وطلعت منها بـ D

بس هالكورس عايدها عند الوحش .. ابراهيم الهدبان

متعة لا توصف بمحاضرته : )

على خطى المدينة الفاضلة