الجمعة، ٢٠ نوفمبر ٢٠٠٩

مشكلة

بسم الله الرحمن الرحيم
.
عذرا على التأخر في الكتابة ..
كان أسبوعا عصيبا مليئا بالامتحانات
.
نبدأ ..
.
=====
.
مشكلة ..
.
حين تدخل الامتحان متأخرا ..
.
تحمل كرسيا لتجلس في مكانك ..
فتضرب إحداهن بمنطقة قاتلة "الكوع" ..
.
وتسمع صوتها وهي تقول "آآآي" ..
.
=====
.
مشكلة ..
.
حين تكون مسجلا في شعبة إناث ..
.
يعاني فيها الجميع من مشكلة ..
وهي أن الـ Data show تحتاج لشخص طوله ... سم لتشغيلها ..
.
وتكون أنت الوحيد الذي بهذا الطول ..
.
=====
.
مشكلة ..
.
حين تكون لك لحية "على قد الحال" ..
.
فيظنك الناس من أولياء الله
ويقدمونك لتصلي بهم ..
.
ولو علموا قبيح سريرتك ..
لأبى السلام عليك من يلقاك
.
=====
.
مشكلة ..
.

حين تجري إختبار ذكاء على مريض نفسي ..
.

وحين تنتهون ..
تأتيكم الصدمة من الدكتور المختص ..
.
"ما ضربكش؟
أصل معاه بارانويا وبيشك فكل اللي حواليه ..
ولو حس إن حد بيضحك عليه .. ممكن يضربه"

.
فتحمد ربك أنك لم تضحك عليه ..
من سيحاسبه إن "كفخك" ؟
.
=====
.
مشكلة ..
.
حين "تتحرش" بأكبر نبّاح في بلدك ..
وتتوقع أن يصله ما تكتب عنه ..
وتنتظر الرد منه في عموده اليومي "الأعوج" ..
.
لكن ..
لا حياة فيمن لا حياء له ..
.
=====
.
مشكلة ..
.
حين يظن الناس بك خيرا ..
وتظن بهم خيرا ..
.
فتكون أهلا لظنهم ..
ولا يكونون أهلا لظنك ..
.
=====
.
مشكلة ..
.
حين ننسى أن ..
"سباب المسلم فسوق .. وقتاله كفر"
.
فنسب أصدقاء وزملاء ..
ونحارب أخوة وأقرباء ..
.
=====
.
مشكلة ..
.
حين يرأس الاتحاد الكويتي لكرة القدم ..
شخص مثل طلال الفهد ..
.
"مع إحترامنا لشخصه"
.
=====
.
مشكلة ..
.
حين يقول وزير لنائب ..
"سد بوزك" ..
.
فلا تفهم معنى هذه الكلمة ..
.
وبعد البحث والتحري ..
تجد معناها في قاموس "الشارع" ..
.
فتعرف أنها تعني "أغلق فمك"
.
وفي رواية أخرى ..
"جب"
.
=====
.
مشكلة ..
.
حين تمتلئ الدنيا بالمشاكل ..
.
وعندما تنوي الكتابة عنها ..
تتبخر الأفكار من رأسك ..
.
فلا تجد شيئا تكتبه ..
.
لأنك تعلم أن "عمك أصمخ" ..
وأن كلامك لن يقدم أو يؤخر ..
.
وأن أفضل حل في هذه الحالة ..
.
هي أن تغلق "اللاب توب" ..
لاسيما وإن كان "توشيبا" ..
.
لانك إن لم تفعل هذا ..
ربما ستنفعل وتكسره .. وتبكي على حطامه
.
سعد المحطب
20-11-2009

هناك ٢٨ تعليقًا:

Al-Majida يقول...

ماشاء الله عليك ..
فعلا من طول الغيبات .. أتحفنا بالغنايم^_^

>>اما عن البنت اللي اتخبطت في كوعها.. موقف لا تحسد عليه .. اللهم أنا نسألك اللطف :P

>>تخيل لو مريض البارانويا ضربك؟؟
شكنت بتسوي؟؟:d

>>أخلاقيات المسلم لازم نتمسك فيها ..
يمكن تأثر في اللي حوالينا ..
وعشان تكون "الدنيا لسه بخير" :)

ربي يحفظك >> عالأقل من ردة فعل المرضى^_^
ويوفقك بامتحاناتك :)

S.M.G يقول...

ههههههههه
مشكلة عويصة فعلا
ههه

منور الموضوع والله ،، أشتقنا لك

غير معرف يقول...

حلوووو بو عمر يعطيك العافية 000000

بس تدري كنت اتمنى انك تنطق من المريض الله يشفيه حلو الإنسان ياخذ معاه ذكرى يسولف فيها مع عياله و لو كانت أليمة (:

وعلى طاري نباح الوطن أتوقع ان الإنتقادات توصله كل يوم ألف مرة فأنطر دورك حبيبي000000

وعلى طاري اللحية قل الحمدلله (انه ليس للمعاصي) رائحه جان العموم صلى بروحه(:
نسأل الله العافية 00000
موضوع جميل و بديت اتعلم مني (:

شاي الضحى يقول...

انشالله قدمت زين؟

موووفق


اذكر لما كنت ابي اشغل الداتا شو اييب مخمه لان خبرك الريموت ثمين ومصنوع من ذهب والذهب سعره ارتفع فما يعطونه اي احد ههههه


بوست رائع

شكرا اخوي :)

Fishah يقول...
أزال المؤلف هذا التعليق.
Fishah يقول...

موفق ان شاءالله في امتحاناتك .. عقبال تبشرنا بالتخرج قووول آآآآآمين :>

===========

آآآآي صج ترا تبط الجبد هالحركه اذا صارت فيني .. احس كهربه في كوعي يعور هههههههههههههه

===========

هههههههههه شنسوي الله خلقنا قصار القامه :P
بس الظاهر شعبتك مايلبسون كعب :)

=============

الله ستر وماسوا شي .. باجر استغفرالله منو يلوومه .. الله لا يبلينا

=============

مشكلتنا نبني الصوره على الظاهر ومانشوف الباطن ..

=============

"حين يظن الناس بك خيرا ..
وتظن بهم خيرا ..
.
فتكون أهلا لظنهم ..
ولا يكونون أهلا لظنك .."

اي والله صدقت ياخوي :<

=============

الله يعطيك العافيه اخوي سعد ويبعد عنك الانفعالاات :>

princess adadi يقول...

اهلا ^^

انشالله النتايج حلوة بالامتحانات

لووول تبي فؤاد الهاشم يرد عليك ؟
شيقول ؟؟ ما عنده شي يقوله :/

حلو الالتزام .. خصوصا بهالزمن
بس الشكل مو دايما يدل على هالشي
انا وحدة ملتزمة بس اللي يشوف شكلي ما يقول جذي

انا بعد لابتوبي توشيبا
بس بغيره مسكين راح فيها :/

يعطيك العافية اخوي :)

ReLaaaX يقول...

1
فيه حلين للمشكلة الاولى
إنك تقعد بأي زاوية من زاوية القاعة
الحل الثاني تدش بكل هدوء وماله داعي التوتر لأنك متأخر أكيد بيكفيك الوقت ويزيد إن شالله
وعادي إذا ماحليت الامتحان كله المهم النجاح ;p


2
looool
شتسوي بعد .. يقولك الطول هيبة والقصر خيبة
فالمفروض تحمد ربك على هالنعمة وماتشوفها مشكله


3
:) عادي عادي
عيل احنا عندنا اللي متحجبة يعني دينة .. وعباية لحد يحاجيها
واتوقع والله أعلم إن المتنقبه بتكون ارهابية

طبيعي جداً اخ سعد .. وعموماً الناس تحكم على الظاهر وربك أعلم بالسرائر


4
والله الشرهه على الدكتور اللي ماعطاكم نبذه عن الحاله قبل لا تدخلون وتختبرونهم


5
وليش هامك وايد ؟
شقلنا ؟ مو دع القافله تسير ياسعد


6
احسان الظن

أبداً مو مشكله .. بالعكس احسان الظن للآخرين ويطلعون عكس اللي تتوقعه خير من ان نظن فيهم شر ويكون ظنك غلط واهما اللي صح فتتحسف على اساءة الظن فيهم :)

فإذا اهما مو اهل للظن مشكلتهم مو مشكلتك :)


7
هذي فعلاً مشكلة


8
مالي شغل لا بالرياضة ولا بالسياسة ;p


9
@@؟
هذا متى آنا ويني ؟ ;p

إي والله مادري لا عن اخبار ولا عن جرايد خلقه هالنوبه لاهيه ؟


10
اعجبتني الدعاية مالت اللابتوب ;p

البلوق عشان نفضفض فيه سواء كان فيه شي والا تبخر هالشي :))
عيش حياتك الوضع طبيعي جداً يااخ سعد ليش حمقان

نبضُ الأدب يقول...

مشكلة .. حين تعجّ الدنيا من حولنا بالمشاكل .. وما مِنْ حلول =/

قواكم الله ..

غير معرف يقول...

والله مشكلة....ما ضربكش والله حلوة

هذي بس إسمحلي ولا صارخ عليكش لأن كان في حالة بجناحي شكله طراقه والقبر فما خلونه نقابله ولا ندش عليه...حافظك الله سعدي


أخوك\ابراهيم الشهاب

فاطمــه يقول...

مساء الخير

خوش كلام ***

ماشاء الله عليك
مواقف متعدده
مادري أعلق على شنو ولا شنو
عموما قواك الله ويعطيك العافيه =)

MAIS M.ISSA يقول...

موضوع رائع واكثر من رائع

غير معرف يقول...

موشي موشي << يعني مرحبا :p

مشكلة ..
..

هههههههههه شفيكم ياللي دخلتوا متأخر ماخليتوا احد ماطقيتوه لووول حتى في بنت متأخرة ضربت المسكينة اللي ورا الباب :\

||| اما عن الطول \\\
لووووووول

لا عاد جنك شفت نفسك لووول صج الطول نعمة وبعدين مو انت الوحيد اللي بهالطول
على بعد طويل بس مايساعد
؛على قولة الدكتور مارس مهنتك خخخخ؛

على طاري الاختبيار درجتك توحفة الله يهنيك فيها\\
وعبدالعزيز ماشاءالله عليه على واحد من الشباب
:)

وسلملم
مذهلة

سعد المحطب يقول...

.. روح المحبة ..

هههه ..
الله يشافي المريض

مشكورة طال عمرج ..

حيااج الله : )

=====

.. S.M.G ..

تشتاق لك العافية : )
ما تقصر طال عمرك ..

حيااك الله

سعد المحطب يقول...

.. ناصر ..

أكييد أتعلم منك ..
بس إسكت : )

=====

.. شاي الضحى ..

إيي الحمدلله : )

هههه ..
إيي والله من ذهب :d

مشكورة ..
وحيااج الله : )

سعد المحطب يقول...

.. Fishah ..

- آميين ..
- إيي عساج ما تجربينها
- يلبسون بس ما يصعدون على الكرسي

الله يعافيج ويخليج ..
مشكورة ..

وحيااج الله ..

=====

.. برنسس ..

إيي الحمدلله ..
تبشر بمعدل مقبول قبل التخرج :d

أتمنى يرد ..
خل تصير حرب إعلامية بينا : )

الله يثبتج ويهدينا وياج ..

يعافيج ويخليج ..
حيااج الله : )

سعد المحطب يقول...

.. ReLaaaX ..

هههه ..

أحسن كلمة تنقال ..
"الله كريم" ..

خلي القافلة تسير ..

=====

.. نبض الأدب ..

الله يقويج ..
مشكورة ..

وحيااج الله : )

سعد المحطب يقول...

.. إبراهيم ..

ههههههه
شفت شلون ..

باعوني برخيص مع هالمريض : (

الله كريم ..
حيااك صديقي ..

=====

.. Faith ..

الله يقويج ..
ويعافيج ..
ويخليج ..
وبيت مكة يوديج ..

حيااج الله : )

سعد المحطب يقول...

.. ميس ..

مشكورة : )

حيااج الله ..

=====

.. مذهلة ..

مشكورة ..
حيااج الله : )

ابتسم ^_^ يقول...

السلام عليكم
اسبوع مليان امتحانات ومن الضغط تتراكم ابو المشاكل
بس هونها وتهون
البنت وانضربت تلاقيها الحين ما فيها الا العافية
..
والمفروض تفرح لانك طويل ..بس شعبتك لا تحسد عليها
..
ولو علموا قبيح سريرتك ..
لأبى السلام عليك من يلقاك

لا عاد مو لهذي الدرجة:)
الله يوفقك للخير

..
سد بوزك !!!
والله قوية

..
حين تمتلئ الدنيا بالمشاكل ..
.وعندما تنوي الكتابة عنها ..
تتبخر الأفكار من رأسك ..
.فلا تجد شيئا تكتبه ..

اكره هذي الحاله


بالتوفيق
^_^

سمو الأميرهـ ..ツ يقول...

الله يوفجكـ اخويهـ ..


:)

****

كله ولا ظربة الكوع ..صدق أآآي ..

****
وحدة من كلاساتنا joint و أحياناً السير
يبي يشبك الdata show بلابه وتواجهه مشكله
يطلب النجدة ..
وانا أقول لربيعتي : انا أعرف أعدله بس والله مب سايره ..
تقول لي : حراام علييج ،
وانا أبد :\ .. ما فيني اتفلسف يدام الشباب و أتقفط .
***
سيم سيم ..
يعني لوأحاول ألتزم يعتبروني ملاك
وع أقل خطأ .. ينغسل شراعي ..
و أنوكل بقشووري :\ ..

***

الله يكون فعونكم :d ..

***
اممم ،،في ظني لانه يعرف عمره غلطان
فما يقدر يرد ..:\ ..

الصراحه ما عرفته إلا من مدونتكـ ..

***
الناس اللي ما يكونون أهل لظنكـ
سوو لهم طااف و عيش مرتااح :) ..

***
أعاذنا الله من سب الناس ..

***
ما أعرفه :\
****
وهذا بعد ما أعرفه :\
***
اممم
عملية تبخر الأفكار نعاني منها كلنا ..

واللي يبقى شوية أفكار مشوشة مترسبة فقاع الدماغ
ما نعرف شو نسوي بها !!
****




تدويينة رائعه أخي ..
سلمت يمنآكـ

ودمتَ بوود

فاطمــه يقول...

كل عام وأنته بخير =p

ينعاد عليك بالصحه والعافية يارب

=p

الغدوف يقول...

رحأطلع من إطار الموضوع مشكلة
وأقول
كل عام وأنت بخير
وكل لحظاتك عيد

أمنيات أجمل
وبالتوفيق

:: بـوح الصمـت :: يقول...

مُشكلة المشاكل أن أغلب تلك المشاكل لا حـل لها :) !

الله المُسـتعان ..


بورك عيدكم وأيّامكم :)

Hadeel يقول...

قرأت الموضوع مرات عديدة
توجهت لدلوي ..بدوري ..
قرأت التعليقات .. فوجدت أن متابعيكم كفو ووفو !

......
إن أردتم أن تبكوا فابكوا على حطام الكويت !

سعد المحطب يقول...

.. ابتسم ..

وعليكم السلام

الله يكون بالعون إن شاء الله : )
مشكورة طال عمرج ..

حيااج الله ..

=====

.. سمو الأميرة ..

تسلمين مشكورة ..
من طيبج : )

حيااج الله ..

سعد المحطب يقول...

.. faith ..

وانتي بخير ..
علينا وعليج ..

مشكورة : )

=====

.. الغدوف ..

طلعي براحتج أفا عليج : )
وانتي بخير وصحة وسلامة ..

مشكورة ..

سعد المحطب يقول...

.. بوح الصمت ..

فسلفة قوية : )

شكرا لج ..
وحيااج الله ..

=====

.. she is me ..

وجودج للقراءة يكفي : )

مشكورة على المتابعة ..
وحيااج الله ..

على خطى المدينة الفاضلة