الأحد، ١٨ أكتوبر ٢٠٠٩

سالفة + برزنتيشن الجنائي

بسم الله الرحمن الرحيم
.
صداع قاتل ..
أضاع كل كلمة كنت سأكتبها ..
.
لذا ..
في هذه المرة سأقتدي بـ Princess Adadi ..
وسأكتب ما سأكتب .. على هيئة "قرقة"
.
=====
.
شخص عزيز ..
يدعى عبدالعزيز ..
.
غائب منذ أسبوع تقريبا ..
فجأة إتصل ليخبرني بأنه مصاب بأنفلونزا الخنازير
.
هو صديقي المقرب ..
فالمزاج متقلب قليلا ..
.
=====
.
كان يوما متعبا ..
بعد نهاية أسبوع قاتلة ..
.
"كويز" في مادة اللغة الانجليزية ..
+
"برزنتيشن" في مادة علم النفس الجنائي ..
+
بدايات انفلونزا
.
ولأني من هواة العمل تحت الضغوط ..
أنهيت هذا اليوم باقتدار ..
.
فالحمدلله وحده ..
.
=====
.
بعد تقديم "البرزنتيشن" ..
قام أحد الزملاء "متحرشا" ..
وقال أن الشرح غير مفهوم ..
.
وكنت أعلم أني سأسمع كلاما كهذا ..
.
فقمت بتجهيز الدواء قبل الداء ..
ووضعت رابط المدونة في نهاية التقديم ..
.
وأخبرتهم بأني سأضع شرحا وافيا ..
ويمكنهم تحميله وقراءته كيف ومتى شاءوا ..
.
فكان ما تقرؤونه الآن ..
.
=====
.
قد لا تروق هذه الكتابة للبعض ..
لأنهم ليسوا من المهتمين بعلم النفس ..
.
كان التقديم بعنوان ..
"ظاهرة التنمر عند الأطفال" ..
.
موضوع جميل ويستحق القراءة ..
ومجهز على Power Point ..
.
حجم الملف 1.03 ميجا
صغير جدا ..
.
للتحميل
.
وشكرا : )
.
سعد المحطب
18-10-2009

هناك ٢٧ تعليقًا:

Unknown يقول...

خوش تقديم بس 17 صفحة سهالة الوضع عنكم بس سؤال شعلاقتة المادة بوصفها جنائي؟ لها علاقة بلجنائي


بوناصر

نمووول يقول...

جان قتلي احضر التقديم :(
الله يعطيك العافيه

لما اشبك من الكمبيوتر
انزله واشوفه

والله يشافي عبدالعزيز ويعافيه
بالتوفيق ان شاء الله

غير معرف يقول...

السلام اولا ماتشوف شر على الصداع.
ثانيا الله يعافي عبدالعزيز رفيجك ويرده سالم ويبعد عنه كل مكروه.
ثالثا بالنسبة للبرزنتيشن اعتقد انك ما افلحت لما قلت زهبت الدوا قبل الفلعه لانه الهدف من البرزنتيشن الشرح وانك تثري معومات المستمعين من خلال اللقائك مو تسوي دعاية حق مدونتك.
واتمنى انك ماتزعل مني والله يوفقك يارب:p

شاي الضحى يقول...

ما يشوف شر رفيجك والله يقومه بالسلامه انشاءالله

الله يعطيك العافيه

والتعليقات والأسئله شر لابد منه هههههه اذكر في طلبه وطالبات كانوا يزهبون حق الاسئله والنقاش اكثر من الموضوع وما يرتاحون الا لما ينقلب الشرح الي هوشه او نجره :)

وغير معرف <---- شكله اهوا نفسه الي ما فهم او واحد بكلاسك حاقد عليك هههههههههههه


مشكور اخوي :)


ونسيت اقولك ... الله يعافي البنادول هههههههه ... :>

princess adadi يقول...

اهلا وسهلا اخي

لوووووول استانست لما قريت انك بتقلدني
>> الحين تشوف نفسها هالمغرورة

بس عاد شوية قرقتك اخوي جان كتبت اكثر
بسرعة خلص البوست

سلامات وماتشوف شر
الناس كلهم حايشتهم انفلونزا هالايام
حدددي مصدعة شكلي يايني الدور :/

ما شفت البرزنتيشن بس يعطيك العافية
وراح القي نظرة عليه

مطلوب مني تلخيص كتاب عن علم النفس وحدي متوهقة اختار اي موضوع
فاذا عجبني الموضوع بختاره

ايي وما يشوف شر رفيجك

يعطيك العافية
دمت بود ^^

سؤال : ليش مقاطعين مدونتي ؟
P:

:: بـوح الصمـت :: يقول...

ما تشوفون شـر .. حمّلت البرزنتشين ولربما تكون لي عودة إن أمد الله في عمري :)


بوركتم ووفقتم وتبوأتم من الفردوس منازلاً وقصورا ..

SCRIBBLE ..♥ يقول...

سلامتك من الصداع

ومايشوف شر صديقك .. كلها يوميين ويتعافى بإذن الله

..
العرض حلو ومفيد .. استفدت منه الصراحــه ,اعرف احد الاطفال تنطبق عليه هالصفات بقووة .. الله يشافيه ويعافيه يارب ..

ومـوفق ياارب ان شاءلله تاخذ A+ مو ِA-

وحلوة القرقه والله : )

:: بـوح الصمـت :: يقول...

بصرآحة ما توقعت المشكلة كبيرة لي هالدرجة !!

بس بسألكم .. مصطلح التنمر مأخوذ من شـنو ؟!


من النمـر :q !!!


وآيد أطفال خصوصاً الصبيان نشوف عندهم سلوك عدواني وماكو أي قرار يتخذونه الأهل جدامهم .. كأن العدوانية أمر مفروغ منه في عمر طفولتهم !


لا شـك إن وسائل الإعلام لها دور كبير وفعّال بهالشي .. خصوصاً توم & جيري .. صح حتى إحنا الكبار نستانس لمّا نشوفه لإن حركاته طريفة نوعاً مـا لكن لمّن نلاحظه بطريقة ثانية راح نلاحظ الكم الهائل من العدوانية والمخططات العنيفه اللي تنغرس في عقول الأطفال من خلاله !!


الله يحفظ أطفال المسلمين ويجعلهم خير قادة لخير أمّة =)

يزاكم الله خير .. صج إستفدت من الموضوع :)
وفالكم الـ A إن شـاء الله :)

سعد المحطب يقول...

.. بو ناصر ..

سهالة بالضبط ..
بس دكتورنا يحسسك إنك تقدم 170 صفحة مو 17 ..

اما العلاقة ..
فالتنمر = إعتداء
والاعتداء = جنحة او جناية "على حسب"

ومادتنا تدرس أسباب ونتايج وطرق علاج المشاكل الجنائية : )

حيااك الله ..

=====

.. نمول ..

تذكر يوم شفتني أدرس انجليزي؟

خلصت الامتحان على طول ورحت حق البرزنتيشن ..

فما مداني أعزم أحد كلش : (

تسلم .. مشكور

سعد المحطب يقول...

.. غير معرف ..

وعليكم السلام ورحمة الله وبركاته
الله ماييك
ومشكور .. الله يسمع منك

قلت "الدواء قبل الداء" ..
محد ياب طاري الفلعة :d

وشكرا على النصيحة : )

=====

.. شاي الضحى ..

آميين ..
يعافيج ويخليج .. وبيت مكة يوديج

اللي سأل وكان يتحرش .. ما كان عنده أسئلة بالصج

بس بيردها لي .. لأني سألته يوم تقديمه :d

ما استبعد يكون إهو "غير معرف" :d

"ترا مدونتج مادري شسالفتها .. ما اقدر أعلق فيها"
"ويعطيج العافية على الامبراطور"

شكرا لج ..
حيااج الله ..

سعد المحطب يقول...

.. princess adadi ..

إذا بتشوفين نفسج ..
الحين نمسح الجملة :d

القرقة الوايدة للبنات ..
إنتي تبدعين فيها ..

الله يسلمج ويعافيج ..

إذا إخترتي الموضوع نفسه ..
قوليلي لأن في إضافات عليه ..
أدزهم لج .. ويصير خوش شي

حياااج الله : )

"مشكلة بمدونتج نفس مشكلة جاي الضحى"

=====

.. بوح الصمت ..

الشر ماييج .. وبتشرفين

مشكورة وحيااج الله : )

سعد المحطب يقول...

.. scribble ..

الله يسلمج ويعافيج ويخليج ..

وايد من اليهال تنطبق عليه هالصفات ..

إما الضحية .. او المتنمر
أشوه فلتنا منها :d

الـ A- عند هالدكتور تعتبر قمة الطموح عند وايد ناس ..

فما أبي أكثر .. راضي فيها

شكرا ..
وحيااج الله : )

=====

.. بوح الصمت .. "مرة ثانية"

إيي .. من النمر
وفي لفظ ثاني لها .. الاستئساد
يعني من الأسد

اللي صاير عند وايد ناس عندنا ..
إن يقولون لعيالهم "اللي يطقك طقه"

فيفرحون لما ولدهم يطق عيال الناس ..
يحسون إنه أحسن من إنه ينطق ..

خلي توم وجيري ..
شوفي "الببايات" اللي تتكلم عن الحروب وعن تحرير الأرض وإنقاذ البشرية ..

شدعوة ..
يهال ينقذون الكوكب؟ :d

تسلمين .. مشكورة
وحياااج الله : )

Fishah يقول...

مايشوف شر ان شاءالله صديقك عبدالعزيز ( اهوا اللي قلت عنه مره جيكر في بوست ؟ ) ههههههههههه
وانت بعد سلامات .. اخذ فيتامين سي :)

والله يعطيك العافيه .. موفق ان شاءالله :>

سمو الأميرهـ ..ツ يقول...

 نزلت البرزنتيشن ..
وفتحته
وكل الي ظهر لي صور ..
يمكن في بروبلم صغيرون ..بس ما اعرف إذا هو من جهازي ..

ع العموم ..
لي عووده قريبا وبحاول إن شااء الله أنزله مره ثاانية :)..

دمت بود

الغدوف يقول...

ما تشوف شر

ولصديقك .. معافى بإذن الله
الله يرفع عنه . ويرفع هذا البأس .. وما يشوف شر

بالتوفيق

تحية مشرقة

Hadeel يقول...

أهذه (قرقة)؟!!!!!!!!!!

التنمر .. ممممممممم سنقرأ!

ابتسم ^_^ يقول...

الله يشفي صديقك ويقومه بالسلامه
ما يشوف شر

والحين بحمل البرزنتيشن موضوعه يحمس

بالتوفيق:)

سعد المحطب يقول...

.. fishah ..

الله يعافيج .. مشكورة
عزيز جيكر .. بس مو إهو اللي تكلمت عنه :d

إن شاء الله ..
مشكورة طال عمرج ..
حيااج الله ..

=====

.. سمو الأميرة ..

مادري والله ..
أنصحج تحاولين مرة ثانية ..

لأن الموضوع قيم ومفيد ..
ويمكن تستفيدين منه :)

حيااج الله ..

سعد المحطب يقول...

.. الغدوف ..

الشر ماييج إن شاء الله ..
وبالنسبة للخنزير البشري :d الحمدلله إهو ألحين طلع من المستشفى ومافيه إلا العافية ..

حيااج الله ..
ومشكورة :)

=====

.. she is me ..

مشروع قرقة :)
وأعتذر إن لم يكن بمستوى الطموح ..

حيااج الله ..

=====

.. ابتسم ..

الشر ماييج ..
مشكورة ..

واتمنى لج قراءة ممتعة ..

حيااج الله :)

الحارث بن همّام يقول...

صفقة قوية لهذا العرض الجميل

بس يا أستاذ سعد.. ما شرحت لنا كيف يكون التنمر التكنولوجي

وهل ممكن كون فيه مدوّن متنمر على المدونين الجدد في ساحات التدوين مثلاً؟

سعد المحطب يقول...

العادة أنطر أكثر من تعليق ..
عشان أرد عليهم بشكل جماعي ..

بس الحارث بن همام بجلالة قدره معلق ..
فلازم نرد على طول ..

مو قصورا بأحد ..
بس طلال غير :)

=====

التنمر التكنولوجي طال عمرك ..
إن الشخص المتنمر يستخدم التكنولوجيا بكل وسائلها لايذاء الضحية

مثل ..
الايميلات .. المسجات .. الفيس بوك .. التدوين .. والـ بي بي أم :d

فـ الله يستر لا تتنمر علينا ..
ترا مبتدئين :)

الأمل يقول...

السلام عليكم ..

موضوع التنمر موضوع جديد بالنسبة لي استفدت من معرفة هذا المصطلح الي اكيد راح يمر علي بدراستي يوم من الايام (:

بالتوفيق ..

S.M.G يقول...

الله يشفي صديقك .
وصراحة اللي سويته خير لزملائك
ياليت أسوي كذا للزملاء لكن المشكلة
0.01 % من لديهم كمبيوتر والله يعين
^^

ظلال الدَلْماء يقول...

سلامات ما تشوفون شر -ياية عقب الف سنة يمكن الحين طبتوا ان شاء الله:)-
عجبني البرزنتيشن, قواك الله.

سعد المحطب يقول...

.. الأمل ..

وعليكم السلام ..
إن شاء الله يفيدج ..

بالتوفيج بدراستج ..
حيااج الله :)

=====

.. S.M.G ..

هههه ..
معقولة في ناس ما يستخدمون كمبيوتر؟

الله يعين :)

حيااك الله ..

=====

.. ظلال الدلماء ..

الشر ماييج ..
يزاج الله خير ..

الحمدلله الحين كل شي تمام :)

حياااج الله ..

مـــــذهلة يقول...

مرحبا اخوي سعد

بعد الاطلاع على عرض البويربوينت احب اقولك انك ضامن ال A بس شد حيلك بالامتحانات..

وثاني شي وين عبدالعزيز عنك لوول تقول عنه جيكر وخنيز بشري :(

وبعدين الله يعينك على الدكتور رمضان ما ادري ليش احس مايعطي الشخص حقه ولا يصلح الامتحانات بضمير!!!

وصج الحمدلله على سلامة عبدالعزيز

واقولك الله يعينا على مادة مناهج بحث ختامها مو مسك باخر كورس بالجامعة :(

اختك كادي

سعد المحطب يقول...

.. مذهلة ..

الله يسمع منج ..
مشكورة ..

حياج الله زميلة : )

على خطى المدينة الفاضلة