الجمعة، 18 سبتمبر 2009

ذكرى الأحد الأسود 18-9

بسم الله الرحمن الرحيم
.
اليوم هو الذكرى الرابعة لحادث مؤسف ..
.
كم كانت فرحتي كبيرة بسيارتي الجديدة ..
لم تكن من النوع الغالي جدا .. ولكنها كانت اختياري
.
شخص .. جزاه الله ما يستحق
ركب السيارة .. وكأنه لم يركب سيارة من قبل
.
ظننت أنه أتى إلي بعربة تجرها البغال ..
فلما رأيت سيارته .. ذهلت
.
لأن سعرها يفوق سعر ما أركب ..
بثلاثة أضعاف أو يزيدون ..
.
لكن من في قلبه فقر ..
يرى الدراجة كصاروخ ..
ولو كان يمتلك مركبة فضائية ..
.
هو حسود ..
وعينه كما نقول "وحدة بوحدة" ..
.
ياليته قال "ما شاء الله" ..
ياليته كف بصره عما رأى ..
.
لكن ..
الـ (.....) يبقى (.....)
.
سحبت أوراقي من الجامعة ..
جلست بالبيت .. لا أنيس ولا جليس
.
والسبب ..
شخص لا يخاف الله .. ولا يذكره
.
صورة السيارة ..
.


.
صورة صاحب الحادث المسكين "أنا"

سعد المحطب
18-9-2009

هناك 39 تعليقًا:

طموحة مملوحة يقول...

خطاك السو ياسعد

صح كلامك والله تلقى ساعات الي عندهم كل شي يحسدون الي ماعنده شي :)

SHAHAD يقول...

الله لا يعيدها من ذكرى
وبالحديد ولا فيك .. الحمدلله انك بخير وبعافية : )

.
.

العين حق
دايما حصّن نفسك بالأذكار والأدعية في الصباح والمساء

نمووول يقول...

الحمدلله ان الله حفظك ولا حوادث
السيارات الله الكافي منها

قتلي القصة :) واتشرف اني اكون من اوائل من يعرفها بين القراء

زين اكيد من عين صاحبك ..؟
مو من بقرة بالشارع كنت بقول مو منك كنت مسرع بعدين تذكرك انك ريال سيدة ما تخاطر بجسمك وروحك الي مو لك :)

بس بعرف انت اجتماعي
ونكك اجتماعي وتدرس بالاجتماعية شلون قعرت تقعد ابيتكم كل هالفترة بدون ونيس على قولتك وين العلاقات الاجتماعية

الله يحفظك ان شاء الله من مكروه
اي وبشر شنو سويت بالتسجيل ؟
بالتوفيق

شاي الضحى يقول...

الحمدلله على سلامتك

والسياره تتعوض انشالله


والله يكافينه شر الحسد

SaRa - JQ يقول...

امبيي شكله حادث قوي @@
الحمدلله اللي حفظك منه
وخطاك السوء مؤخراً

شلون صار الحادث =\ .. ؟!

رورو الشخبوطه يقول...

السلام..

وي سلامات ..

خطاك السو..

وبالحديد ولافيك ..

حصن نفسك ..

وحسافه ليش سحبت اوراقك من الجامعه؟؟

معوض يارب..

اجتماعي يقول...

.. طموحة مملوحة ..

خطاج اللاش يا سارة :)
صدقتي ..

=====

.. شهد ..

إيي والله .. عساها ما تنعاد
وعسى ماتصير لأحد ..

إن شاء الله ..
مشكورة :)

اجتماعي يقول...

.. نمول ..

إيي والله .. متأكد إنه منه
بشهادة ربعه المقربين ..

والعلاقات الاجتماعية إنمحت لمدة كورس كامل ..

الله لا يوريك يا عزيز :(

الحمدلله سجلت وخلصت ..
ومابقى غير هالكورس :)

=====

.. شاي الضحى ..

الله يسلمج ويخليج ..
ويكافيج إن شاء الله ..

مشكورة ..
وحياج الله ..

اجتماعي يقول...

.. SaRa - JQ ..

خطاج اللاش ..
يزاج الله خير ..

بصراحة ..
ما أتذكر منه شي ..

بس صحيت لقيت نفسي بالمستشفى :)
الحمدلله على كل حال ..

=====

.. رورو الشخبوطة ..

وعليكم السلام ..

الله يسلمج وخطاج اللاش ..
مشكورة ..

سحبت أوراقي كورس .. ورجعت الكورس اللي بعده

والحين الحمدلله ..
باجي كورس ونتخرج :)

حيااج الله ..

princess adadi يقول...

سلامااااات خطاك السو اخوي
وما تشوف شر

ميخالف بالسيارة ولا فيك :/

انا ملاحظة ان سالفة الحسد وايد منتشرة هالايام

الله يكافينا

عيدك مبارك مقدما ^^

ريانة العود يقول...

خطاكم السو ..
مو خوش ذكرى...!!

الحمدلله ع كل حال ..

غير معرف يقول...

موضوع صارله 4 سنين على قولتك ماله داعي تعليق
وانا أتحفظ على احيائك لهالذكرى
مادري قلت المناسبات ؟

انا بعلق عالصوره
ليش خاش ويهك؟؟

ذكرتني باللي يصيدونهم عالحدود (؛

أخوك : للي يصك عليك بالدراسه ...
(عاشق نوال)

حجي ناصــــر يقول...

صج قبسة أول زيارة لي

والموضوع يعور القلب


خطالك السو وماتشوف شر ان شاءالله

كل شي بأجره :)
--------
يسعدني التواصل معاك :)

غير معرف يقول...

الحمدلله على السلامة والحمدلله وقتها ما أعرفك ...عشان لا تقول آنا :)هاهاهاهاههههههههههه مع العلم أن عيني باردة

الحمدلله على السلامة والله يحفظك من كل مكروه

أخوك\ابراهيم الشهاب

Fishah يقول...

المهم انك قمت من هالحادث بالسلامه .. يت بالحديد ولا فيك .. الحمدالله

خطاك السوو اخوي سعد .. الله يبعد عنك شر العين والحسد يارب

وعيدك مبارك مقدما

:)

اجتماعي يقول...

.. princess adadi ..

الشر ما ييج :)
مشكورة ..

أيامج سعيدة ..
حيااج ..

=====

.. ريانة العود ..

الحمدلله :)
حيااج الله ..

اجتماعي يقول...

.. عزيز ..

هههههه

انت تصك علي بالدراسة؟
أقول خلها مستورة ..

لا أسوي بوست كامل عن فضايحك من يوم عرفتك لي اليوم :d

حيااك :)

=====

.. حجي ناصر ..

حيااك الله ياخوي ..
شرفت ونورت :)

اجتماعي يقول...

.. ابراهيم الشهاب ..

الله يسلمك ويخليك ويحفظك ..
لا معروفة كانت عين منو ;)

لا تحاتي ..

=====

.. fishah ..

الله يخليج ويحفظج ..
مشكورة ..

أيامج سعيدة ..

وحياج الله :)

SCRIBBLE ..♥ يقول...

في الحديد ولافيك .. والله يحفظك ان شاءلله ..

هالحوادث مصيبـه, الله يكفينا شرهـا ..

والعين حق .. الله المستعــان بس ..

والله يوفقك في اخر كورس لك << اكيد بيكون ثقيـل بس له لذه عجيبه استمتع ^^

وكـل عام وانت بخيــر

ReLaaaX يقول...

الحمدلله على السلامة .. وخطاك السوو

ليش عاد ذكرى ؟ قطه ورا ظهرك واستفيد منه

صج شر بس الله فكك من شر اجيد منه !
وصج شر بس ربي كفر لك فيه سيئاتك !
تذكر حديث : حتى الشوكة يشاكها :)

" إن ربي لطيف لما يشاء إنه هو العليم الحكيم "


ربي لطيف بعباده سبحانه



وحاول على طول تتذكر تقول أذكارك ، وماعليك إن شالله بيكون آخر حادث بس انت لاتفكر كلش بالحوادث اجذب الاشياء الزينة ، ولا تركب احد وياك قبل لا تخليه يقول المعوذات ويذكر ربه :p

ظلال الدَلْماء يقول...

يحسدون الفقير على موتت اليمعة:(,
خطاك السو اخوي و الحمدالله عدت على خير:).

S.M.G يقول...

صحيح السيارة تعوض لكن الروح ما تعوض
الحمد لله على سلامتك أخوي .
كما تعرف أن العين حق لذلك لا تنسى الأذكار .

كل عام وانت بخير .. عيدك مبارك

the LEADER يقول...

خطاك السو يالزميل ،

وبالحديد ولا بالعبيد ،

شنو استفدت من الحادث ؟؟؟

MoRooJiA يقول...

خطاك السو اخوي

صج الناس صايرين يحسدون على كل شي وما يذكرون الله

اذكر اول لاب توب شريته شافته عندي وحده وبحزته احترقوا اصابعي

واول ما شريت سيارتي نفي الانسانة حطت عينها عليها وتاليتها راحت بحادث

احب قول الشاعر

لله در الحسد ما اعدله .. بدأ بصاحبه فقتله

غير معرف يقول...

ان الحديد بصلابته يبقى متين
ولكن البشر وان صلب يبقى طين(:

على قولتهم الحمد لله ان بالحديد و لا فيك ومن يوم عرفتني وانت الحمدلله ا تسرع و لا تتهور (: (اتغشمر)
ذكرى اليمة
ولكنها مفيدة
فاعتبروا

السلطان(:

الغـــــدوف يقول...

سلامات وماتشوف شر

والله المستعان الناس عيونهم تاكل ولا تذكر الله والقصص عن الحسد كثيرة

اذكر أخوى يوم شرى سيارته العام كامري آخر موديل ماتمت معه إلا شهرين وما صدق انه باعها وكل واحد بالشارع بالعاني يتعمد يصدمها

والحين عنده بدالها جيب ربع على قولتهم الكبسوله وبعد آخر موديل والله ما مر عليه أسبوع إلاطاح عليه خزان مويه من عند الجيران بس جت سليمه

والأذكار حصن المسلم بعد الله

تهنئتي

كل عام وانتم بخير وعافية
وعيدكم مبارك

اجتماعي يقول...

.. scribble ..

يزاج الله خير :)

إيي ..
بس للأسف ماكو إلا مادة وحدة مع شباب ..

والباجي مع بنات ..
يعني إحتمال أكلم الطوفة طول الكورس :)

حياااج ..

=====

.. ReLaaX ..

الله يسلمج ويكافيج الشر ..

الحمدلله على كل حال :)

خلاص الحين تووبة يركب معاي إلا الشخص الثقة المشهود له بحسن الخلق :d

حياااج :)

اجتماعي يقول...

.. ظلال الدلماء ..

إيي والله صدقتي ..

بس ناس قلوبها مريضة ..
الله يشفيهم :)

حيااج ..


=====

.. S.M.G ..

الله يسلمج ويكافيج الشرور

وانتي بخير وصحة وسلامة ..
يزاج الله خير ..

حيااج :)

اجتماعي يقول...

.. the Leader ..

خطاك اللاش ياخوي ..

قبل سنة كتبت كلام يشبه هالكلام بمناسبة الذكرى الثالثة ..

وحطيت الدروس المستفادة :

1- قراءة دعاء الركوب عند قيادة السيارة .
2- تحصين النفس بقراءة المعوذات .
3- الابتعاد عن الاشخاص الحسودين .
3- قول ما شاء الله عند الاعجاب بشيء .
4- معرفة الصديق من الزميل من صديق المصلحة .
5- إخفاء المشاريع السارة عن (البعض) لحين تمام المشروع .

=====

.. مروجية ..

اليوم كنت أقول شخبار المروجيات .. من زمان عنهم :)

إيي والله .. صدقتي

ناس يطالعون اللي بـ إيد غيرهم ..
وما يطالعون اللي بـ إيدهم ..

قلوب مريضة الله يكافينا شرها :)

حياااج ..

اجتماعي يقول...

.. ناصر ..

شنو هالدرر !!

أشكر الله إن توجيهاتي ونصايحي طلعت بنتيجة معاك ..

الحمدلله :d

حياااك ..

=====

.. الغدوف ..

الله يسلمج ..

الله يعين أخوج .. ويكافيه شر هالحساد اللي ما يخافون ربهم

الحمدلله على سلامته :)

وكل عام وانتي بخير ..

حيااج ..

Faith يقول...

خطاك السو ...
يالله الحمدلله على كل حال ..
وتبقى ذكرى انشاله تنساها بعدين :)
وتذكر بس الحلو في حياتك

تقبل مروري كل عام وأنته بخير

بو محمد يقول...

خطاك السو .. ما تشوف شر ( cry )

:: بـوح الصمـت :: يقول...

خطاكم السـو :)
العين حق .. وذكر الله والتحصن أمر لا بد منه :)

معلومة : لا يجوز سب الأيام والسنين والدهر !
ونعت الأيام بقبيح الصفات !

"عن أبي هريرة رضي الله عنه قال أن رسول الله صلى الله عليه و سلم قال [ قال الله عز و جل : يؤذيني ابن آدم يسب الدهر و أنا الدهر بيدي الأمر أقلب الليل و النهار ]

لا أراكم الله مكروهاً وعساكم من العائدين الفائزين :)

اجتماعي يقول...

.. faith ..

مشكوورة ..
وانتي بخير ..

حيااج الله :)

=====

.. بو محمد ..

الشر ماييك ..
شكرا :)

=====

.. بوح الصمت ..

يزاااج الله خير ..

مشكووورة على التذكير ..
حيااج الله :)

L!fe يقول...

لا حول ولا قوة الا بالله ..
وخطاك السو يا سعد

Fishah يقول...

اخوي سعد عسى ماشر؟

عقب هالذكرى السووووده ما كتبت شي @@

اجتماعي يقول...

.. l!fe ..

خطاج اللاش ..
مشكورة :)

=====

.. fishah ..

في شي يديد ..
وفيه طاريج بعد :)

غير معرف يقول...

تدري تعليقك على السيارة اضحكني جداً

شكلك صج شخص محترق قلبه على السيارة

:p

اما اكثر شي يعور القلب على صورتك صورة الدم اللي على ايدك :\

والحمدلله على السلامة وخطاك السو
كادي

فاطمه الفوزان يقول...

:خطاك السو يا اخووي سعد بس انا اشووف انه موكل شيْ عين هذا شي ربي كاتبه ويدخل في باب القضاءوالقدر وفي حديث عن الرسل لو اجتمعت الانس والجن على ان يضروك بشيء لن يضروك الا بشيء قد كتبه الله لك رفعت الاقلام وجفت الصحف وانا عن نفسي اهم شي الواحد يقرى الاذكار اويبتعد عن الاغاني والله الحافظ بس بصراحه الواحد يشوف هالحوادث يخترع ويخاف مثلي انا الحين عندي ليسن بس ابصراحه اخاااف مع ان اسياقتي زينه بشهاده بابا الغالي بس اذا ركبت ابروحي ارجف يبيلى وحده واثقه من نفسها ومتمكنه

على خطى المدينة الفاضلة