بسم الله الرحمن الرحيم
كنت مستعدا للذهاب إلى المدرسة ..
حملت حقيبة الأكل .. وركبت السيارة مع أبي
وفي الطريق ..
أخبرني عن بعض ذكرياته الجامعية ..
حكى لي عن أدب الطلبة والطالبات ..
حكى لي عن إحترام الأساتذة للطلبة ..
حكى لي عن إعتزاز الرجال برجولتهم ..
حكى لي عن شرف المنافسة الانتخابية ..
كل حياته الجامعية .. إختصرها لي في دقائق
من منزلنا في قطعة 6 ..
إلى مدرستي إبن رشد في قطعة 5 ..
كنت مستعدا للذهاب إلى المدرسة ..
حملت حقيبة الأكل .. وركبت السيارة مع أبي
وفي الطريق ..
أخبرني عن بعض ذكرياته الجامعية ..
حكى لي عن أدب الطلبة والطالبات ..
حكى لي عن إحترام الأساتذة للطلبة ..
حكى لي عن إعتزاز الرجال برجولتهم ..
حكى لي عن شرف المنافسة الانتخابية ..
كل حياته الجامعية .. إختصرها لي في دقائق
من منزلنا في قطعة 6 ..
إلى مدرستي إبن رشد في قطعة 5 ..
لكنه لم يتطرق إلى أمر مهم ..
موجود عندنا .. غير موجود عندهم
ظاهرة سلبية ..
نتمنى من لجنة الظواهر معالجتها ..
كي ننهي دراستنا الجامعية ..
دون جرائم أخلاقية ..
ظاهرة تدعى :
(( التسدح على الدرج ))
ربما تفعلها الفتيات ..
دون علم بخطورتها ..
مسكينة ..
لا تدري أنها أصبحت برخص التراب ..
لا تعلم أنها محط سخرية كل ذي عقل ..
هي ..
تحسب أن من ينظر لها .. معجب بها
ليتها علمت أن كل نظرة لها .. تكون أحد شيئين
1- مشفق على أهلها .. لأنها تتصرف بعكس ما ربوها عليه
2- مستحقر لها .. لأنها تساوت مع (( الكت كات )) في الرخص
لا أعلم ما هو رد فعل رجل ..
يرى إبنته أو أخته .. في هذا الوضع المضحك
قد يغضب ..
قد يضحك ..
قد لا يبالي ..
في كل الأحوال ..
أقول ..
يا نظيرتي في الخلق ..
يا شريكتي في العروبة ..
يا زميلتي في الكلية ..
منظرك .. مضحك
أحيانا أخجل من فعلك ..
وأنا بعيد عنك ..
كيف بك يا من تجلسين في الدرج ..
مكان مداس الأقدام !!
إن كنتِ ترضين بهذا المقام ..
فهنيئا لك به ..
إجلسي .. ولا تتحركي منه أبدا
ولكن ..
إن كنت كما أحسبكِ ..
لا ترضين بمقام أقل من الثريا ..
قومي .. رعاكِ الله
دعي الدرج لما صنع له ..
وإجلسي بما صنع للجلوس ..
سعد المحطب
الكتابة : 7-7-2009
النشر : 10-7-2009
هناك ٣٦ تعليقًا:
حسب ما فهمته من الموضوع راح احط
تعليقي انا اشوف هذا شي عادي للرجل
بس ما أتخيل شكل المراءه في هذا المكان
شخباري القعدة على السلم :)
هذه سوالف الثانوية .. :)
بس ما أتوقع حلوة إن كان في رياييل
لأن من نظرتك بقولون مو حلوة
بس دام إنها مو ضارة أحد كيفها
في ناس عندهم عادي
WOOOOW 7aaDha aMaZinG
ybT'haa RiGhT ;)
تسدح .. !!
قوية =\
واكيد مو حلوة الحركة جدام الرياييل
بنات الجامعة المفروض يحسبون حساب الطلبة بكل حركة يسوونها =\
عجبتني العنوان وايد يشد ^^
وبإذن الله رسالتك وصلت : )
.. عقيل ..
شكرا :)
.. حياتي هدف ..
ضارة وايد ..
مسكرين الممر ..
بس تربيتهم جذي ..
شكرا لج ..
.. مس ..
شكرا ..
.. سارة ..
إن شاء الله توصل لهم ..
شكرا لج زميلة ..
حياج الله :)
.. بو عبدالملك ..
إنت مرة داش علي مسمي نفسك بو محمد ..
ومرة بو عبدالملك ..
تسب وتطلع .. !!
يا أخي إستح على ويهك ..
عيب اللي قاعد تسويه ..
إستغفر الله العظيم ..
أتمنى ما ألقى لك ردود زيادة ..
ياللي تسمي نفسك بو عبدالملك ..
إحشم نفسك .. وإذا عندك كرامة
وخر ..
دري الاجتماعيه شي مو طبيعي !!!
مره رحت اهناك واتمنى تكون الاخيره
ماقدرت انزل الدري اخاف ادوس احد
زحممممه بنات وشباب !!
والله توترت وانا انزل
اتمنى من الجمعيه تحط كراسي باللوبي نفس كراسي الحقوق بدل هاللي قاعد يصير
الله يعينكم ويستر عليكم
اغلب الكليات الي فيها دري وسلالم صارت جذي
وياما قطينا نغزات على الي يقعدون كل وحدة اكبر من الثانيه
بس الاحساس ميت
عاد انا شايفتهم بعيوني ..
صج صج ما اقدر اقول الا الله يهديهم غصبن عليهم ...
الله يكثر من امثالك اخوي
ee walah 9a7 elsank 5oosh post lw3aw chabdna elbnat shklhom mo 7lo0 w yfashil ;/
أتوقع مثل ما تفضلتي لجنة الظواهر السلبية راح تحل المشكلة
اذا كان الي ماسك اللجنة الدويسان
والمقررة بأسم اللجنة رولا دشتي ...
لا بتنحل المشكلة !!!!!!!!
تحياتي : )
loooool
أول ماقريت البوست كنت اقراها الدرج = desk
جاااااااان استوعب عقب ماقريت الكومنتات لأني كنت ناويه أسأل شلون يتسدحون على الادراج بعد ;p
المهم والأهم كلام عقلاني !
وماكنت احب اقعد على الدري !
ليش عسى ماشر ؟ قلت الاماكن ؟
دامنا عايشين ياما حنشوف :))
انا بالبدايه نفس ريلاكس
شلون يتسدحون عالادراج@@..!!
بعدين فهموني :D
مو حلوة البنيه تتسدح عالدري وبكان فيه رياييل =\
وين قيمنا واخلاقنا!
انا خبري هذي سوالف الثنويه بس مو بالكليات عاد !
أنبذ هذا السـلوك تـماما, أوقن أن القضية هنا ليست قضية جلوس الفتاة على الدرج أمام الشباب المارة و هذا ما لا أستلطفه أما أن لم يكن هناك من مارة أمام الدرج فلا أرى في هذا أي منكـر ! ( أختلف معـك :) ).,
.. غير معرف ..
كليتنا أحلى كلية بالجامعة ..
بس هـ الحثالة يخربونها ..
سواء شباب أو بنات ..
والقعدة ماتحلى إلا بالأماكن الحساسة .. وبعز الزحمة ..
شكرا لج :)
.. كبرياء أنثى ..
إنتهى عهد النغزات :)
حان وقت "التشوت" ..
شوتيهم .. خل يعقلون ;)
شكرا لج ..
.. نور ..
إنتي شفتيهم وضاق خلقج ..
إحنا كل يوم نعاني منهم ..
بس .. الله الهادي :)
شكرا لج ..
.. غير معرف ..
صح بدنج :)
إسم الله على جبودكم ..
شكرا لج :)
.. قلم ..
هالإسمين ما أحبهم ..
الله يرحم أيام هايف والحربش :)
.. ريلاكس ..
إيي .. قلت الأماكن
ماكو قاعات فاضية .. ماكو إستراحة
ماكو كفتيريا .. ماكو كراسي بالأقسام
الحل .. بالتسدح
.. أم تقويم ..
القيم والأخلاق خلوها بالبيت ..
وإنسدحوا على الدري :)
حياج الله ..
.. أثر ..
تدرين شنو المشكلة؟
ينطرون وقت الذروة .. عشان يقعدون
يحجزون هالمكان من الصبح .. !!
شكرا لج ..
حياج الله ..
شوف لو كل واحد يقعد على السلم باحترامه جان دافعت عنهم والله ووقفت ضدك بس لمن شفت الي يقعدون وشلون نظرات الناس لهم لا والله ابعد عن الشر وغنيلو واذا ماكو مكان مولازم اقعد بهالمكان شدعوة يعني وقفت الكلية كلها على السلم يعني ؟؟ تذكرني بالي يقعدون بسلم 3خ والله اييون ساعات صحافيين معاي يطالعون المنظر ويضحكون واحد يقول لي شرايج نكت عنهم ونضحك العالم عليهم ؟؟؟ فشلة والله
تسلم يا الحبيب على هذا الطرح
أقول شخباري الجامعة وشخباري الدرج (:
والله إذبحونا بالهقعدة على الدرج الواحد يمشي ويحاتي لا يدعم أحد !!!
شي غريب والله
أخوك\ابراهيم الشهاب
note:توني متخرج مو مصدق :)
السلام عليكم ..
الحمدالله انك تطرقت حق هذا الموضوع ..
لاني تقريبا كل يوم أتحطلم على هاذي السالفة ،، والشي الي يقهر صج لما نبي نمر والصبيان الي قاعدين ما يدنون يعني جنهم قاعدين يقولون كيفكم تصرفو!!
أتمنى انه يستوعيون ان هذا الشي غلط ،، والحمدالله انه في ناس أمثالكم يفكرون بهاذي الطريقة
شكرا لك ،، وجان زين بعد تكتب عن الي يدخنون (:
؟؟
!!
مصيبة .. كارثة
لا أريد أن أتخيل الوضع المزري
المرفوض حتى في الوسط المحافظ فمابالك بوسط مختلط
لكن
إذا أصيب القوم في أخلاقهم
فأقم عليهم مأتما وعويلا
على أمل أن هناك أصحاب قيم ومبادىء
ومكارم أخلاق أكثر عددا كما انتم والبقية
الله يهديهم
.. طموحة مملوحة ..
قايلكم ..
يحجزون الأماكن من الصبح عشان لا يطوفهم أحد صاعد أو نازل ..
.. إبراهيم الشهاب ..
أهلييين بالخريج ..
شلووونووو :d
.. الاجتماعية ..
حاااضرين ..
ديروا بالكم يالمدخنين :d
البوست الياي عنكم
.. الغدوف ..
بيت الشعر .. بالصميم
ندمت على شغلة .. إني خصصت الموضوع عن البنات
لان حتى بعض الشباب .. أصيبوا في أخلاقهم
شكرا لج ..
وحياج الله ..
انا بالكليه عمري ماقعدت على الدري ولا فكرت اني اقعد لانه شكلي بيكون حده غلط .. بس للعلم .. طحت على الدري لووول وتطشروا كتبي اللي كنت لامتهم على قلبي مثل الهم اللي ابي افتك منه p:
بس كان خوش سلايت لووول ( لاتقول حق احد ) هالسالفه بيني وبينك p:
الله يهديـهم العقل إن شاءالله
سرد رائع بنظري حتى وإن كان عن بنات " الكت كـات "
.. Fishah ..
أجر وعافية :)
حياج الله ..
.. The.One ..
آمين ..
شكرا لج ..
وحياج الله :)
عاد انا لما اصعد الدرج ،
ودي ادوس عليهم ،
مرات اتحاشى السكوير واروح درج الطوارئ ،
عالاقل أهون ،
مشكور عالموضوع الحساس ،
وحطيت ايدك على الجرح ،
الله يكثر من أمثالك .
.. the leader ..
دوس ياخوي دوس ..
يمكن يعقلون شوي ..
شكرا وحياك الله ..
"يعني ما أدري إنك يمي :d"
أعجز عن الرد أو الإضافة
طرح جدا رائع
وفي الصميم
ليت أي منهن تقرأ هذه الكلمات
أجزم..
بأنها سترتدع
وسترقى للثريا
وسوف لن تشتري كتكات أبدا
لأنهاسوف لن ترغب أن تتذكر أين كانت...تريد أن تبقى جارة للثريا أبد الدهر وهذا الذكرى ستنقص عليها هذا الاحساس الكبير
الذي لا يشعر به إلا من وجده بعد أن فقده أو الذي أحسه وهو الذي لم يحسه
.. she is me ..
شكرررا لج على هالكلام ..
وأتمنى هالكلام يوصل ..
ولو ترتدع منه بنت وحدة .. شي وايد زين
شكرا لج ..
وحياج الله ..
صدقت اخوي صارت السالفة ظاهرة بالكلية الكل يعاني منها.
إرسال تعليق